Iyai! Kokolokai

1. Twikala mu ntanda yalubilamo;

Bantu bamuluba Lesa.

Tukeba lutangijilo lwawama;

Bunke kechi twakonsha ne.

Kupwila kwitupa luketekelo;

Ne lwitabilo mwi Lesa.

Ko kwitulengela kuba byawama

Ne kwitupatu bulume.

Tulondela bikambizha Yehoba;

Tukeba kuba kyo aswa.

Kupwila kwitufunjisha byawama;

Twiya kutemwa bukine.

2. Yehoba wayuka byo twakajilwa;

Twafwainwa kumumvwina.

Kupwila pamo ko kumwesha maana

Ne kuketekela Mambo.

Kumvwina byamba bemenako Lesa,

Po tumwesha lwitabilo.

Inge kisemi kyetu kitukwasha,

Tuyuka amba twavula.

Byo tupembelela kimye kyawama,

Tupwila na bo twatemwa.

Kuno kupwila tufunda kwikala

Na milangwe ya kwa Lesa.