Biji mu Kipungu 5

Bena Isalela bafikile ku Mutumba wa Sinai byo papichile bañondo babiji kufuma po baabukijile Kalunga Kachila. Ku uno mutumba Yehoba koko alayañene na bena Isalela lulayañano lwa kuba’mba wibasala kwikala mukoka wa bantu banji. Lesa wibazhikijilanga ne kwibalama. Wibapanga Manna o bajanga kabiji bivwalo byabo kechi byafwanga. Inge mwi bansemi, lumbulwilai mwanenu ayuke ene mambo Yehoba o apelejile bena Isalela Mizhilo, tente wa lusambakeno, ne bañanga. Mulumbulwilai ayuke buneme bwa kufikizha byo tulaya, kwipelula, ne kwikala ba kishinka kimye kyonse kwi Yehoba.