Biji mu Kipungu 7

Kino kipungu kyaamba pa byapichilemo Mfumu Saulo ne Mfumu Davida. Bino bintu byamwekele nobe pa myaka 80. Patanshitu Saulo wipelwile kabiji waakamwanga Lesa. Bino kulutwe muchima wanji waalukile kabiji walekele kukokela Yehoba. Yehoba wamukaine, ne kwambila Samwela kushinga manyi Davida kuba’mba ekae mfumu wa bena Isalela. Saulo wakebelenga kwipaya Davida na mambo a lwiso. Bino Davida kechi washinkanyanga ne. Yonafwanyi mwana kwa Saulo wayukile kuba’mba Yehoba wasajile Davida. Onkao mambo wajinga wa kishinka kwi Davida. Davida kimye kimo walengele mambo akatampe. Bino kechi wakaine lujimuno lwa Yehoba ne. Inge mwi bansemi, kwashai mwanenu ayuke ene mambo o kyawamina kuba kyaswa muchima wa Lesa.