Kwamba Byambo Byakonsha Kufunjilako Bantu

1 Kolinda 9:19-23

BYO MWAFWAINWA KUBA: Kwashai bantu kutwajijila kulanguluka pa bishinka byanema byo bafunda mu jashi.

BYA KUBA:

• Langulukai pa bintu byayukila jimo bantu. Lumbululai bishinka mu jishinda jikwabo jisakulengela bantu kufunjilako bintu byo babujile kuyuka, kechi kubwezhapotu bintu byo bayukila jimo ne.

• Kebai bishinka ne kulangulukapo. Pa kuba’mba mukwashe bantu kumvwisha kishinka, mwakonsha kwambapo ne pa bintu byo babula kumvwapo kala nangwa bibena kumweka mu ntanda. Pano bino, mwafwainwa kumona kuba’mba abino bintu byakwatankana na bishinka biji mu jashi.

• Buulai bantu byo bakonsha kwingijisha bishinka biji mu jashi. Lumbululai bishinka biji mu binembelo byo byakonsha kukwasha bantu mu bwikalo bwabo. Ambai pa bintu bimo bimweka mu bwikalo, byubilo bya bantu ne bintutu bikwabo byakosha kwibakwasha mu bwikalo bwabo.