MEPUZHO A MU BAIBOLO A KUMBULWA

Mambo ka mu ntanda kyo mwabujila mutende?

Baibolo waambapo bintu bibiji byalengela. Kitanshi, nangwa kya kuba bantu babena kuba bintu byawama byavula, pano bino kechi balengelwe kuba’mba baketangijilenga abo bene ne. Kishinka kya bubiji, bukalama bwa bantu bwakankalwa mambo “pano pa ntanda ponse paji mu bulume bwa kwa aye mubi” Satana Diabola. O ene mambo bantu o bakankelwa kuleta mutende pano pa ntanda.—Tangai Yelemiya 10:23; 1 Yoano 5:19.

Kwitemwatu bantu abo bene ne kwitumbijika, kwalengela pano pa ntanda kubula mutende. Kanatu kafulumende wa ntanda yonse ufunjisha bantu kutemwa byawama ne kwita muchima, ye ukaleta mutende pano pa ntanda.—Tangai Isaya 32:17; 48:18, 22.

Ñanyi ukaleta mutende pano pa ntanda?

Lesa Wa bulume bonse walaya kuleta kafulumende ukalamanga bantu bonse. Ye ukapingakena pa makafulumende a bantu. (Danyela 2:44) Mwana Lesa, aye Yesu mfumu wa mutende ye ukekala kalama wa buno bufumu. Ukafumyapo bubi bonse pano pa ntanda ne kufunjisha bantu bya kwikala mu mutende.—Tangai Isaya 9:6, 7; 11:4, 9.

Yesu byo abena kutangijila pa kino kimye, bantu bavula kuzhokoloka ntanda yonse babena kwingijisha Mambo a Lesa, Baibolo ufunjisha bantu bya kwikala mutende. Katatakatu ntanda yonse mukekale mutende.—Tangai Isaya 2:3, 4; 54:13.

Umvwe mukeba kuyukilapo byavula, monai kitango 3 kya uno buku, Nanchi Baibolo Kine Ufunjishaˈmba Ka?, wanembwa na bakamonyi ba kwa Yehoba

[Kipikichala pa peja 16]

Kanatu kafulumende wakonsha kulengela bantu kupimpula byubilo byabo ye ukaleta mutende pano pa ntanda

[Byambo bya Muntu Ungi]

Fatmir Boshnjaku