Bya Kwamba pa Kushajika Magazini

July 1

“Umvwe bemwipwizhe’mba mwambe bumi bwenu byo bwanema, mwakonsha kukumbula’mba ka? [Lekai akumbule] Umvwe twakolwa pano twibikako kuba’mba betukwashe, tumwesha’mba twanemeka bumi. Kuno kutemwa bumi kwafwainwa kwendela pamo na kwikala balukokelo kwi mwine mpanyi wabo [Tangai Ntendekelo 9:3, 4] Ino magazini yamwesha byotwakonsha kuba pa kuba’mba tumweshe amba twanemeka bumi.”

July 1

“Byo kiji kuba’mba butemwe bo etutemwa Lesa bwamwekela mu byo etupa aye Nsulo ya bumi bwetu, kino kitulengela kuketekela lutangijilo lwanji. Twakonsha kumwesha byepi amba twaketekela lutangijilo lwanji? [Lekai akumbule] Mu byambo byo aambile Paulo mu kino Kinembelo, Lesa witusolwela byoakeba’mba tube. [Tangai Byubilo 14:15.] Kino kibaba kyamwesha mashinda awo Lesa Mumi o akonsha kwitutangijilamo.”

July 1

“Mu bimye bya malwa, bavula bazhinauka’mba kana Lesa kine wata muchima bantu ne kumona byo babena kuyanda. Abya mwakizhinaukapo kala pa mambo a kino nyi? [Lekai akumbule.] Ino magazini yaamba pe Lesa byo etuta muchima ano moba ne byoaala kitendekesho kya kupwishishapo lumanamo.” Tangai Yoano 3:16.

July 1

“Bantu bamushikwa bingi Lesa pa mambo a makatazho ebaponena nangwa aponena batemwe babo. Nanchi ne anweba mwakiumvwapo kala byonkabye nyi? [Lekai akumbule.] Kino kibaba kya Kyamba kya Usopa kyaamba ene mambo Lesa o afwainwa kubula kumupamo mambo pa makatazho aponena bantu lelo jino.” Tangai Loma 5:12.