Bya Kwamba pa Kushajika Magazini

Kyamba kya Usopa May 1

“Bantu bamo umvwe babena kumanyikwa beumvwatu nobe baji bunke bwabo kabiji mu kimye kya uno mutundu kibakatazha bingi kusanchila bintu bibobila Lesa kabiji kibakatazha bingi kutwajijila na kumuketekela. Nanchi kino kimumwekelapo kala nyi? [Lekai akumbule.] Ino magazini iji na jishimikila jawama bingi ja kisemi kyaketekejiletu mwi Lesa kechi na mambo a makatazho avula o kyapichilengamo ne, kabiji ne Lesa byo ekipesheshe. Tangai Luta 2:20a.”

Kyamba kya Usopa May 1

“Mwayuka ene mambo Baibolo bunketu kyo aikela na mafunde a kwitukwasha kuyuka bya kuba na makatazho a mu bwikalo nyi? [Lekai akumbule.] Ino magazini yaamba pa bishinka bya ene mambo atweba lelo jino o twafwainwa kwitabila ne kuswa kuba’mba Baibolo Mambo a Lesa, kabiji ye witutangijila mu bwikalo bwetu.” Tangai 1 Petelo 2:1, 2.

Kyamba kya Usopa May 1

“Umvwe muntu ye twatemwa wafwa, tukebesha bingi kumumona jikwabo, ke ibyo ne nyi? [Lekai akumbule.] Bavula batekeneshiwa bingi na mulaye wa mu Baibolo wa lusanguko. [Tangai Yoano 5:28, 29.] Ino magazini yaamba pa kimye kikobiwa lusanguko kabiji ne pa boba bakasangulwa.”

Kyamba kya Usopa May 1

“Lelo jino nangwatu boba baji na Baibolo kechi bamutanga ne, bamutulatu pashelufu na kuba lukungu. Abya mwakilangulukapo kala’mba Baibolo wakonsha kwitukwasha lelo jino nyi? [Lekai akumbule, apa bino mutange Masalamo 119:105.] Kino kibaba kyaamba Mambo a Lesa byo akonsha kusamisha kyeya mu jishinda jetu umvwe twiaswisha kuba byonkabyo.”