Bya Kwamba pa Kushajika Magazini

Kyamba kya Usopa June 1

“Buku wa 1 Samwela waambapo kuba’mba Lesa ukeba bakalume banji kumukokela. Nanchi mwakilangulukapo kala kino byo kilumbulula nyi? [Lekai akumbule.] Ino magazini yaamba pa bantangi babena Isalela ba kukala, bamo bamukokejile Lesa bakwabo kechi bamukokejile ne. Kino kitukwasha ne atweba kutalatala bulongo mashinda etu.” Tangai 1 Samwela 15:22.

Kyamba kya Usopa June 1

“Bantu bavula lelo jino batemwa bingi kwamba byambo bikozha bakwabo ku muchima. Mwakonsha kuba byepi inge kya kuba bemwambila byambo bimukozha ku muchima? [Lekai akumbule.] Nangwa kya kuba ñambilo ya yeo mutundu kechi yawama ne, ino magazini yaamba pa ene mambo o kyafwainwa kukwashisha kumvwisha kilengela bantu bamo kwikala na kanswatu ne kwitukajipila.” Isambilai pamo byambo biji mu Byambo bya Mana 19:11.

Kyamba kya Usopa June 1

“Nangwa kya kuba bavula bamba pa mutende, bantu panopantanda kechi bakwatankana ne. Nanchi mwalanguluka’mba kukwatankana kuba kwaubiwa nenyi? [Lekai akumbule.] Ino magazini yaamba pa kafulumende wakonsha kupwanya ntanda yonse.” Tangai Masalamo 72:7, 8, kabiji isambai ne kuba’mba mukabweleko na kukesamba kino byo kikobiwa.

Kyamba kya Usopa June 1

“Baibolo walaya bumi bwa myaka. Nanchi mwalanguluka amba kujiko mwingilo uji yense wakonsha kwitulengela kutambula ino mfweto nyi? [Lekai akumbule, apa bino mutange Efisesa 2:8, 9] Ino magazini yaamba pa bupe bwa bumi bwa myaka byo bukatambulwa, kechi kupichila mu mingilo ingila muntu ne, bino kupichila mu lwitabilo ne mu bupe bwa Lesa.”