Vidyo wa The Bible—Accurate History, Reliable Prophecy
Ki ka kimwesha kuba’mba Baibolo waluñama mu bya mpito? Ñanyi bungauzhi bwa mu Baibolo bwafika kala bwitulengela kushiinwa’mba ne bwa kulutwe nabo bukafika? Ano mepuzho akumbulwa mu vidyo wa The Bible—Accurate History, Reliable Prophecy, lubaji lwa busatu luji mu DVD ya The Bible—A Book of Fact and Prophecy. Panyuma ya kutamba ino vidyo, abya mwakonsha kukumbula ano mepuzho alondelapo nyi?
(1) Ñanyi Mwine mwina byambo biji mu Baibolo? (Da. 2:28) (2) Baibolo washinkamika byepi pa kulumbulula byajinga Ijipita wa kala, kabiji bungauzhi bwanembwa mu Isaya 19:3, 4 bwafikile byepi? (3) Nga bapoya bya kupoyapoya bamwesha byepi byajinga bufumu bwa bena Asilya, bamfumu babo ne byo bwazhiyile? (Na. 3:1, 7, 13) (4) Ñanyi bungauzhi bwaamba pa Babilona bwafikile? (Yele. 20:4; 50:38; 51:30) (5) Ñanyi bungauzhi bwafikile bwaamba pa bena Media ne Pelisha? (Isa. 44:28) (6) Nga bungauzhi bwanembwa mu Danyela 7:6 ne 8:5, 8 bwafikile byepi ku bena Greece? (7) Nga bungauzhi buji Danyela 7:7 bwafikile byepi kimye bena Loma kyo bashinjile? (8) Ba Kesala bo batongola mu Baibolo bo bañanyi? (9) Ki ka kyamwekejile bena Kilishitu mu bukalama bwa kwa Nelo? (10) Nga bungauzhi buji mu Lumwekesho 13:11 ne 17:10 bwafikile byepi? (11) Twakonsha kuyuka byepi mfumu wa butanu na busatu? (12) Ñanyi mbaji iji mu uno vidyo imwesha bukine bwa byambo biji mu Musapwishi 8:9? (13) Ñanyi bungauzhi buji kulutwe bo mubena kupembelela kumona byo bukafika? (14) Mwakonsha kwingijisha byepi uno vidyo pa kushiina bakwenu kuba’mba Baibolo wafuma kwi Lesa?