Mashinda a Kwisambilamo

Kutatula Mafunjisho a Baibolo pa Kibelushi Kitanshi mu December

“Bantu bavula babena kupembelela Yesu kuba’mba ukabwela. Umvwe kyakuba’mba Yesu wabwelele, ñanyi kintu kyo mwafwainwa kutemwa kuba’mba emubile?” Lekai akumbule. Mumweshai jipa japelako ja Kyamba kya Usopa kya December 1, kabiji isambai nanji kamutwe ka kutendekelapo ne kutanga kinembelo kimo. Mushilai magazini ne kumvwañana nanji juba jo mukabwelako na kwisamba bwipuzho bwalondelapo.

Kyamba kya Usopa December 1

“Bantu ano moba baji na bya kuba byavula bingi kya kuba kibakatazha ne kuvuluka Lesa. Nanchi mwalanguluka amba kyanema ku muyuka Lesa nyi? [Lekai akumbule.] Mu Jashi janji ja pa Mutumba, Yesu waambile’mba twafwainwa yuka Lesa pa kuba’mba twikale na lusekelo. [Tangai Mateo 5:3.] Uno magazini waamba pa bintu bisatu ene mambo o tukebela Lesa.”

Labainga! November—December

“Sa kutemwa kumvwa byo mulangulukapo pa buno bwipuzho. Nanchi kyakonsheka kwikala balusekelo inge kyakuba kechi muji na bintu bya ku mubiji byavula nenyi? [Lekai akumbule.] Umvwai byaamba Baibolo. [Tangai 1 Timoti 6:8.] Uno magazini waamba pa byo twakonsha kumonanga bintu bya ku mubiji kabiji waamba ne pa bintu bya buneme bisatu byo twakonsha kukankalwa kupota na mali.”