Ubainga ‘Bintu Byawama’ Kupichila mu Kutambwila Benyi (Mat. 12:35a)

Atweba bonse tukeba kubulako bakwetu “bintu byawama” kupichila mu kwikala na “muchima wa kutambwila benyi.” (Loma 12:13) Bakulumpe mu kipwilo bebakambizha kwikala ba kumwenako mu kupa bañambi benyi mali a kwendela ne kwibanengezhezha kajo. Bino nangwa byonkabyo, twakonsha kukankazhama kutambwila benyi na mambo a kubula mali nangwa kumvwa moyo kwibeta ku nzubo kwetu. Inge twalondela byambo byaambile Yesu kwi Malita byakonsha kwitukwasha kuleka ndangulukilo ya uno mutundu. (Luka 10:39-42) Waambile kishinka kya kuba’mba “kintu kyawama” pa kutambulwila benyi ke kupwañana ne kwitundaika, kechi kajo kawama nangwa kwikala mu nzubo yawama bulongo ne. Inge twalondela luno lujimuno twakonsha kubilanga bakwetu “bintu byawama” pamo na balongo betu kwesakana na byaamba Mambo a Lesa.—3 Yoano. 5-8.