Bapainiya babena kusapwila mambo awama mu mulaka wa Tzotzil mu Chiapas, mu Mexico
Mashinda a Kwisambilamo
KYAMBA KYA USOPA
Bwipuzho: Inge muntu wimwipwizhe’mba mwiulu muji byepi, mwakonsha kukumbula amba ka?
Kinembelo: Yoa 8: 23
Mupai: Kino Kyamba kya Usopa kyaamba pe Yesu ne Shanji byo betubula mwiulu byo muji.
FUNJISHAI BUKINE
Bwipuzho: Nanchi mwaswa kuba’mba buno bungauzhi bwa mu Baibolo bwaamba pa bintu byo tubena kumona lelo jino nyi?
Kinembelo: 2Ti 3: 1-5
Bukine: Byo kiji kuba’mba bungauzhi bwa mu Baibolo bubena kufika, twaketekela’mba ne bungauzhi bwaamba pa bintu byawama biji kulutwe bukafika.
MAMBO KA A KUFUNJILA BAIBOLO? (Vidyo)
Byambo bya kutendekelapo: Tubena kutambisha bantu vidyo mwipitu walumbulula ko twakonsha kutaana mikumbu ya mepuzho anema a mu bwikalo. [Tambishai vidyo.]
Mupai: Uno buku walumbulula byaamba Baibolo Lesa byo akapwisha makatazho aji mu ntanda. [Mupai buku wa Nanchi Baibolo Waamba’mba Ka?]
NENGEZHAI JISHINDA JENU JA KWISAMBILAMO
Pa kunengezha bya kwisamba na bantu mu mwingilo, londelai jishinda ja kwisambilamo jiji mu Kabuku ka Kupwila.