Kuwamishako Busendwe Bwetu Bwa Kusapwila—Kufika pa Muchima bo Tufunjisha pa Kwingijisha Buku wa “Ikalai mu Butemwe bwa Lesa”

ENE MAMBO O KWANEMENA: Bantu bafwainwa kuyuka mizhilo ya Yehoba pa kuba’mba beilondelenga ne kumupopwela bulongo. (Is 2:3, 4) Buku wa “Butemwe bwa Lesa” ye wa bubiji ye twingijisha kufunjishamo bantu Baibolo kabiji wibakwasha kuyuka bya kwingijisha mafunde a Lesa mu bwikalo bwabo. (Heb 5:14) Twafwainwa kwibafika pa michima pa kwibafunjisha pa kuba’mba bapimpule byubilo byabo.—Lo 6:17.

BYA KUBA:

• Nengezhai bulongo ne kulanguluka pa bintu byakonsha kukwasha ye mufunjisha. Mushikishai mepuzho pa kuba’mba muyuke byo abena kulanguluka pa bintu byo abena kufunda.—Man 20:5; be 259

• Ingijishai tubitenguluzha tuji mu buku pa kukwasha ye mufunjisha kuyuka buneme buji mu kulondela mafunde a mu Baibolo

• Kwashai ye mufunjisha kuyuka bintu byo afwainwa kwifuukwila mwine, bino kange mu mufuukwilengako ne.—Nga 6:5

• Yukai bulongo ye mufunjisha inge ukeba kumukwasha kulondela mafunde a mu Baibolo. Mutundaikai kupimpula byubilo byanji na mambo a kutemwa Yehoba.—Man 27:11; Yoa 14:31