Babena kusapwila mambo awama mu Ghana
Mashinda a Kwisambilamo
KYAMBA KYA USOPA
Bwipuzho: Bantu bamo bamba’mba Baibolo waleka kwingila, bakwabo nabo baswa’mba ukingila. Nga anweba mulangulukapo’mba ka?
Kinembelo: 2Ti 3:16, 17
Mupai: Kino Kyamba kya Usopa kyaamba pa maana a mu Baibolo byo akwasha bantu, kabiji kyaamba ne pa bintu byakonsha kwimukwasha pa kuba’mba mumvwishenga byo mutanga mu Baibolo.
INGIJISHAI BAIBOLO PA KUFUNJISHA
Bwipuzho: Nanchi mpelo ya ino ntanda iji pepi nyi?
Bukine: Bungauzhi bwa mu Baibolo bwamwesha’mba tubena kwikala mu moba a kupelako. Kuyuka bino ke mambo awama, mambo ntanda ipya ijitu pepi.
MAMBO AWAMA AFUMA KWI LESA!
Mupai: Naiya namba nemubuuleko byo tufunjisha bantu Baibolo kyatutu. Uno buloshuwa wamwesha ko mwakonsha kutaana mikumbu ya mepuzho anema mu Baibolo wenu.
Bwipuzho: Nanchi mwakitangapo kala Baibolo nyi? Ubai nemumweshe mafunjisho aji mu uno buloshuwa byo apeela kumvwa. [Isambai nanji bwipuzho 1 mu lufunjisho 2.]
Kinembelo: Lum 4:11
NENGEZHAI JISHINDA JENU JA KWISAMBILAMO
Pa kunengezha bya kwisamba na bantu mu mwingilo, londelai jishinda ja kwisambilamo jiji mu Kabuku ka Kupwila.