Totainga Yehoba mu Bwikalo Bwenu!

Bumi ke bupe bwanema bingi. Byo tuba mu bwikalo bwetu byo bimwesha lusanchilo nangwa ne. Atweba Bakamonyi ba kwa Yehoba, twingijisha bya bupe ne busendwe bwetu kunemekelamo Yehoba mwine witupele bumi. (Sl 36:9; Lum 4:11) Bino bya kutabataba bya mu buno bwikalo byakonsha kwitulengela kuleka kuteshako muchima ku bintu bya Lesa. (Mak 4:18, 19) Atweba bonse twafwainwa kwishikisha’mba: ‘Nanchi kine mbena kumupa Yehoba byawamisha byonji nabyo nyi? (Hos 14:2) Nanchi nanemeka nkito nangwa busulu kukila mwingilo wa Yehoba nyi? Ñanyi bikonkwanyi bya kwingijila Lesa byo nebikila? Nakonsha kwingilako byepi pakatampe mu mwingilo wa kusapwila?’ Inge mwamona po mwafwainwa kwingijila, lombai Yehoba emukwashe kabiji ingijilaipo bukiji. Kwambatu kine, kutota Yehoba kwitulengela kwikala bwikalo bwa lusekelo!—Sl 61:8.

TAMBAI VIDYO WA KUBA’MBA INGIJISHAINGA BYA BUPE BYENU MU MWINGILO WA YEHOBA, BINO APA MUKUMBULE ANO MEPUZHO ALONDELAPO:

• Mambo ka o kyatamina kwingijishangatu bya bupe byetu ku bya mu ino ntanda ya kwa Satana? (1Yo 2:17)

• Ñanyi mapesho ekala na bapa Yehoba byawamisha byo baji nabyo?

• Ñanyi mingilo ya Lesa mo mwakonsha kwingijisha bya bupe ne busendwe bwenu?