“Nemeka Bashobe ne Bainobe”

Yesu byo ajinga pano pa ntanda, wakoseshe mukambizho wa kuba’mba: “Nemeka bashobe ne bainobe.” (Lup 20:12; Mat 15:4) Yesu watundaikilenga bantu kunemeka bansemi babo, mambo aye “wibakookejilenga” bansemi banji byo ajinga mwanyike. (Luk 2:51, tubyambo twa munshi) Byo akomene, Yesu wanengezhezhe wa kulama bainanji inge wafwa.—Yoa 19:26, 27.

Ne lelo jino, banyike bena Kilishitu bakookela bansemi babo ne kwamba bintu byawama pe abo bamwesha’mba bebanemeka. Onkao mambo, mukambizho wa kunemeka bansemi betu kechi uji na pa kupelela ne. Nangwatu bansemi betu bakota, atweba twafwainwa kutwajijila kwibanemeka ne kufunjilako bintu byavula kwi abo. (Man 23:22) Kabiji tunemeka bansemi betu bakota inge saka twibakwasha kwikala bakasuluka mu milanguluko apa bino ne kwibakwasha mu bintu bya ku mubiji. (1Ti 5:8) Nangwa twibanyike nangwa twibakulumpe, kutwajijila kwisamba na bansemi betu kumwesha’mba twibanemeka.

TAMBAI VIDYO WA BIPIKICHALA BYO BABENA KULENGA WA KUBA’MBA, NAKONSHA KWISAMBA BYEPI NA BANSEMI BAMI? APA BINO MUKUMBULE ANO MEPUZHO:

• Mambo ka o kimukatezha kwisamba na bansemi benu?

• Mwakonsha kumwesha byepi amba mwanemeka bansemi benu pa kwisamba nabo?

  

• Mambo ka o kyawamina kwisambilanga na bansemi benu? (Man 15:22)