Anweba Banyike—Ikalai “Ba Mukoyo mu Kwingila Mingilo Yawama”

Mu nkalata yo anembejile Titusa, mutumwa Paulo wanembele’mba bansongwalume, kuvwangakotu ne Titusa, bafwainwa kwibikako kwikala ‘ba kumwenako mu mingilo yawama.’ (Tit 2: 6, 7) Kabiji mu kyepelo kikwabo, walumbulwile’mba bantu ba Yehoba bakebatokesha pa kuba’mba bekale “ba mukoyo mu kwingila mingilo yawama.” (Tit 2: 14) Pa ino mingilo yawama paji kusapwila ne kufunjisha pa Bufumu bwa Lesa. Anweba banyike, nanchi kechi mwakonsha kwingilako bupainiya bwa kukwasha nangwa bwa kimye kyonse nenyi?—Man 20:29.

Inge mukeba kwingilako bupainiya, inengezhai bulongo pa kuba’mba mukakonshe kwingila. (Lu 14:28-30) Mwafwainwa kunengezha jishinda jo mukatainangamo mali a kwikwashishamo inge mwatendeka kwingila bupainiya ne byo mukengilanga pa kuba’mba mukafikizhenga maola engila bapainiya. Mwafwainwa kulomba kwi Yehoba pa kuba’mba emukwashe. (Sl 37:5) Isambai na bansemi benu byo mwafuukula kuba ne na bapainiya bengila bulongo. Tendekai kwingijila pa byo mwafuukula kuba. Kwa kubula nangwa kuzhinaukatu ne, Yehoba ukemupesha bingi pa byo mukebesha kumwingijila!

TAMBISHAI VIDYO WA KUBA’MBA BANYIKE BABENA KUNEMEKA YEHOBA, APA BINO MWISAMBE ANO MEPUZHO:

• Ñanyi makatazho basapwishi bamo o bashinjile pa kuba’mba bengilenga bupainiya, kabiji baubile byepi?

• Bansemi bakonsha kukwasha byepi baana babo kwikala bapainiya ba kimye kyonse?

• Mambo ka o kyanemena kwikala na mutanchi wa kusapwila?

• Basapwishi mu kipwilo bakonsha kutundaika byepi bapainiya?

• Ñanyi bintu bimwenamo bapainiya ba kimye kyonse?