Bya Kwisamba na Bantu

●○○ KIMYE KITANSHI

Bwipuzho: Lesa wakebelenga’mba bantu bakekalenga byepi?

Kinembelo: Nt 1:28

Pa Kutendekela: Twayuka byepi amba Lesa ukafikizha byo akebelenga ku bantu?

○●○ PA KUBWELAKO KUTANSHI

Bwipuzho: Twayuka byepi amba Lesa ukafikizha byo akebelenga ku bantu?

Kinembelo: Is 55:11

Pa Kutendekela: Bantu bakekalanga byepi inge Lesa akafikizhe byo akebelenga patanshi?

○○● PA KUBWELAKO JA BUBIJI

Bwipuzho: Bantu bakekalanga byepi inge Lesa akafikizhe byo akebelenga patanshi?

Kinembelo: Sl 37:10, 11

Pa Kutendekela: Twafwainwa kuba byepi pa kuba’mba tukamwenemo mu bintu bitulaya Lesa?

MUKWEKELE WA KWITA BANTU KU KIVULUKO (March 14–April 7):

“Tubena kwimwita ku kupwila kwanema bingi. Bantu bavula mwaya ntanda yonse bakapwila na kuvuluka lufu lwa kwa Yesu.” Pai yeo muntu kapepala ka kumwichilapo ku kivuluko. Apa bino mwambe’mba: “Kano kapepala kabena kumwesha kimye ne mpunzha kukekela kuno kupwila. Kabiji tubena kwimwita kwiya na kuteleka ku jashi jikekalako saka kwashala mulungu umo kwikala na kivuluko.”

Bya Kwamba Inge Muntu Watako Muchima: Mambo ka Yesu o afwijile?