BYAFWAINWA KWIKALA BENA KILISHITU

Ipelulainga Inge Bantu Kebemutakaike

Kimye kimo, bakwetu bakonsha kwitusanchila nangwa kwitutakaika pa kintu kyo twauba. Kitutundaika bingi inge muntu witusanchila kufuma panshi ya muchima pa kintu kyawama kyo twauba. (Man 15:23; 31:10, 28) Pano bino, twafwainwa kujimuka bingi pa kuba’mba tubule kulangulukanga’mba twakila bakwetu ne kutendeka kwitota.

TAMBAI VIDYO WA KUBA’MBA IKALAI BAKISHINKA BYONKA BYAJINGA YESU INGE BANTU KEBEMUTAKAIKE. APA BINO MUKUMBULE ANO MEPUZHO:

Ñanyi bintu bimo bantu byo bakonsha kwitutakaikilapo?
Balongo batakaikile byepi Sergei?
Balongo bakizhizhemo byepi kumutakaika?
Ñanyi bintu byo mwafunjilako ku kwipelula kwa kwa Sergei ku byo akumbwile?

Tambai lubaji lwafuma mu vidyo wa kuba’mba ‘Ikalai Bakishinka Byonka Byajinga Yesu Inge Bantu Kebemutakaike,’ lwamwesha Sergei saka aji ku kijiilo ku nzubo ya mulongo po akana kumutakaika kwabula kuyilamo kwamutakaikilenga mulongo umo.