Twajijilai Kuchinchinka Mpelo byo Ibena Kufwenya Pepi

ENE MAMBO O KWANEMENA: Katatakatu kulutwe kukwe kukamweka bintu bilengesha moyo bikakebewanga kuchinchika ne kumwesha byo twaketekela mwi Yehoba. Malwa akatampe akatendeka inge bupopweshi bwa bubela bebonauna. (Mat 24:21; Lum 17:16, 17) Pa kyokya kimye kikakatazha bintu, kyamweka tukasapwilanga byambo bya lukabisho. (Lum 16:21) Kabiji Gogi wa Magogi uketulukuka. (Ezi 38:10-12, 14-16) Pa kuba’mba akazhikijile bantu banji, Yehoba ukaleta “nkondo ya aja juba jikatampe ja Lesa wa Bulume Bonse.” (Lum 16:14, 16) Pa kuba’mba tukachinchike ku bino bintu bikamweka kulutwe, twafwainwa kutwajijila kwikala bakishinka mu meseko o tubena kupitamo luno.

BYA KUBA:

• Kookelainga mizhilo ya Yehoba mu bwikalo bwenu.—Is 5:20

• Pwilainga pamo na bena Kilishitu bakwenu.—Heb 10:24, 25

• Londelainga lutangijilo lufuma ku jibumba ja Yehoba kwa kubula kuzhinyazhinya.—Heb 13:17

• Langulukainga pe Yehoba byo apulwishe bantu banji mu moba a kala.—2Pe 2:9

• Lombainga kwi Yehoba ne kuketekela mwi aye.—Sl 112:7, 8

TAMBAI LUBAJI LWAFUMA MU VIDYO WA KUBA’MBA BIKAMWEKA KULUTWE KECHI BYAFWAINWA KWITULENGELA KWIKALA NA MOYO NE, APA BINO MUKUMBULE ANO MEPUZHO:

• 

  Lukookelo lwa basapwishi lwaesekelwe byepi kipwilo mo bajinga byo bekivwangile na bipwilo bikwabo?

• 

  Kukookela kwitukwasha byepi kubula kwikala na moyo?

• 

  Mambo ka o tukakebewanga kubula kwikala na moyo kimye kikeya Amagedonyi?

• 

  Ñanyi mashimikila a mu Baibolo etukwasha kushiinwa’mba Yehoba uketupulusha?—2Mo 20:1-24