Mukwekele wa mu November wa Kusampanya Mbila ya Bufumu bwa Lesa

Yesu wasapwilanga “mambo awama a Bufumu bwa Lesa.” (Luk 4:43) Kabiji wafunjishanga bantu kulomba’mba buno Bufumu bwiye. (Mat 6:9, 10) Mu ñondo wa November, tusakwikala na mukwekele wa kusampanya mbila ya Bufumu bwa Lesa. (Mat 24:14) Inengezhai bulongo pa kuba’mba mukengileko na mukoyo uno mukwekele. Mu uno ñondo, bonse bakengilanga bupainiya bwa kukwasha bakesajilapo abo bene kwingila maola 30 nangwa 50.

Tangai kinembelo byaamba pa Bufumu bwa Lesa ne kwisambapo na bantu bavula mu nyaunda yenu. Mwafwainwa kulanguluka pa bupopweshi bwa bantu bavula mu nyaunda yenu pa kusala kinembelo kya kwisambapo nabo. Umvwe muntu watako muchima pa kimye kitanshi, mwakonsha kumushiila Kyamba kya Usopa Na. 2 2020. Mwafwainwa kubwelako bukiji ku bantu batako muchima pa kuba’mba mukatendeke kwibafunjisha Baibolo mu buku umo pa mabuku o tufunjishamo bantu Baibolo. Katatakatu Bufumu bwa Lesa bwiye na kuzhiya bukalama bonse bubula kutumbijika Lesa. (Da 2:44; 1Ko 15:24, 25) Mwane, atweba bonse tukamweshe bukishinka bwetu kwi Yehoba ne ku Bufumu bwanji kupichila mu kwingila na mukoyo mu uno mukwekele!