Kwitufundako Kumwesha Butemwe bwa Yehoba

Kyambo kya kufundako kilumbulula kufunjisha muntu. Kabiji mwavwangwa ne kumololako ne kumukajipila. Yehoba witufundako pa kuba’mba tumupopwelanga byonka byo akeba. (Lo 12:1; Heb 12:10, 11) Kimye kimo kyakonsha kwitukola bingi ku muchima inge betufundako, pano bino mufuma bintu byawama bingi. (Man 10:7) Pano ñanyi bintu byafwainwa kuvulukanga boba babena kufundako bakwabo, ne bo babena kufundako?

Babena kufundako bakwabo. Bakulumpe mu kipwilo, bansemi ne bakwabotu bafwainwa kufundako bakwabo na kifyele ne na butemwe byonka byuba Yehoba. (Ye 46:28) Nangwatu pa kufundañanako kyakosa, bafwainwa kuba bino mu butemwe kwesakana na byamweka.—Tit 1:13.

Bo babena kufundako. Nangwa kya kuba betufundako mu jishinda ja mutundu ka, twafwainwa kulondela byo betufundako kwakubula kuzhinyazhinya. (Man 3:11, 12) Byo tuji bambulwakulumbuluka, atweba bonse tukeba kwitufundako. Kabiji kwitufundako kwakonsha kwishila mu mashinda apusana pusana. Lujimuno lwakonsha kwishila mu byo tutanga mu Baibolo nangwa byo tufunda pa kupwila. Kabiji bakwabo batambwila lujimuno kupichila mu kavoto ka mambo. Kumvwina lujimuno mufuma bintu byawama bingi kabiji twakonsha kwikala myaka ne myaka.—Man 10:17.

TAMBAI VIDYO WA KUBA’MBA “YEHOBA UFUNDAKO MUNTU YE ATEMWA,” APA BINO MUKUMBULE ANO MEPUZHO:

• 

  Bwikalo bwa kwa Canon bwajinga byepi patanshi, kabiji bwapimpwilwe byepi?

• 

  Ñanyi bukwasho bo atambwijile kufuma kwi Yehoba?

• 

  Ñanyi bintu byo tufunjilako ku byo apichilemo?