BYA BUNEME BIJI MU MAMBO A LESA

Salai Bulongo wa Kutwela Nanji mu Masongola

Solomone wasongwele banabakazhi bapopwelanga balesa ba bubela (1Mf 11:1, 2; w18.07 18 jifu. 7)

Banabakazhi bo asongwele baongwele muchima wanji pachepache ne kumufumya kwi Yehoba (1Mf 11:3-6; w19.01 15 jifu. 6)

Yehoba wamuzhingijile Solomone (1Mf 11:9, 10; w18.07 19 jifu. 9)

Kipikichala: Nyenga wabula kusongolwa ubena kufunda Baibolo pa bunke bwanji saka abena kulanguluka pa mulongo katanda. 1. Mulongo ubena kukumbulapo pa kupwila. 2. Ubena kwingila busapwishi bwa pa mvula bantu. 3. Ubena kwingila mwingilo wa kuwamisha Nzubo ya Bufumu.

Mambo a Lesa ajimunako bakatanda ne bazhike kusongola nangwa kusongolwa “kanatu monka mwi Nkambo.” (1Ko 7:39) Nangwa byonkabyo, kechi kilumbulula’mba yense wabatizhiwa ke muntu ye mwafwainwa kutwela nanji mu masongola ne. Nanchi uno muntu ukemukwasha kutwajijla kwingijila Yehoba na muchima wenu yense nyi? Abya uno muntu umwesha’mba watemwa Yehoba na muchima wanji yense nyi? Saka mukyangye kwitabuzhanya kutwela mu masongola, iyukai bulongo.