BYAFWAINWA KWIKALA BENA KILISHITU
Yukai Bilanguluka Lesa
Tukeba kutookesha Yehoba ku muchima mu byonse byo tuba. (Man 27:11) Pa kuba’mba tube bino, byo tufuukula kuba byafwainwa kukwatankana na ndangulukilo yanji nangwa kya kuba kafwapo mizhilo yaamba mu kushinkamika ne. Pano ñanyi bintu byakonsha kwitukwasha kuba bino?
Fundainga Baibolo kimye kyonse. Kutanga Baibolo kujitu nobe kwisamba ne Yehoba. Twakonsha kuyuka Yehoba byo alanguluka pa bintu kupichila mu kumona byo aubile na bantu banji bakala ne kulanguluka pa bajinga na byubilo byawama ne byatama. Inge tubena kukeba kufuukula pa bintu bimo, mupashi wazhila wakonsha kwitukwasha kuvuluka mafunde ne bintu byanema byo twafunjile mu Mambo a Lesa.—Yoa 14:26.
Kebakebainga bishinka. Inge mubena kufuukula pa kintu, mwafwainwa kwiipuzha’mba, ‘Ñanyi byepelo nangwa mashimikila a mu Baibolo akonsha kunkwasha kuyuka bibena kulanguluka Yehoba pa bino bintu?’ Mwafwainwa kulomba Yehoba kwimukwasha ne kukeba bishinka mu mabuku anengezha jibumba ja Yehoba aji mu mulaka wenu, ne kwingijisha mafunde a mu Baibolo o mwataana akonsha kwimukwasha mu byo mubena kupitamo.—Sl 25:4.
TAMBAI VIDYO WA KUBA’MBA “TUNYEMENGA KAPELA NA KUCHINCHIKA ”—JAINGA KAJO KAWAINA, APA BINO MUKUMBULE ANO MEPUZHO:
Ñanyi makatazho apichilengamo nyenga wakyanyike uji mu vidyo?
Mwakonsha kwingijisha byepi mabuku anengezha jibumba ja Yehoba kwimukwasha kuyuka bya kuba na makatazho a uno mutundu?
Kukebakeba bishinka ne kufunda Baibolo pa bunke kwakonsha kwitukwasha byepi pa kufuukula bintu?—Heb 5:13, 14