BYAFWAINWA KWIKALA BENA KILISHITU
Imonainga Anweba Bene Byonka Yehoba byo Emumona
“Yehoba usekela mu bantu banji.” (Sl 149:4) Nangwa kya kuba twibambulwa kulumbuluka, bino Yehoba umona byubilo byetu byawama kabiji waketekela kuba’mba kulutwe tukapimpula. Nangwa byonkabyo, pa bimye bimo kyakonsha kwitukatazha bingi kwimmona atweba bene byonka bitumona Yehoba. Twakonsha kutendeka kwilengulula atweba bene na mambo a bituba bakwetu. Kabiji inge twatatu muchima pa bilubo byo twaubile kala, twakonsha kutendeka kuzhinauka kuba’mba kana Yehoba witutemwa kya kine nyi? Ki ka kyakonsha kwitukwasha inge ke twiumvwe bino.
Vuukainga kuba’mba bantu byo bamona kechi byo bimona Yemoba ne. (1Sa 16:7) Kino kibena kulumbulula kuba’mba Yehoba wituyuka bulongo kukila ne byo twiyuka atweba bene. Kyawamakotu ke kya kuba’mba Baibolo witukwasha kuyuka bulongo Yehoba byo etumona. Twakonsha kuyuka byo etumona inge ke tutange byepelo bya mu Baibolo ne mashimikila asolola Yehoba byo atemwa bapopweshi banji.
TAMBAI VIDYO WA KUBA’MBA SHIINWAI KUBA’MBA YEHOBA WAKIMUTEMWA, APA BINO MUKUMBULE ANO MEPUZHO:
Kifwanyikizho kya mwana waponene pa kunyema kapeela ye batundaikile kwi shanji kitufunjishapo ka pa bitumona Yehoba?
Inge muntu walengele mambo akatampe kabiji walapila ne kuwamisha bulunda bwanji ne Yehoba, wakonsha kuba byepi pa kuba’mba ashiinwe’mba Yehoba wakimutemwa?—1Yo 3:19, 20
Kutanga mashimikila aamba pe Davida ne Yehoshafwata ne kulanguluka langulukapo kwakwashishe byepi mulongo uji mu vidyo?