Byo Twafwainwa Kuchinchika Inge Betuba Nshiji

Tangai Ntendekelo 37:23-28; 39:17-23 pa kuba’mba mufunjileko kwi Yosefwa byo achinchikile kimye kyo bamubile nshiji.

Yukai bintu bikwabo byamwekele. Ñanyi bintu byalengejile Yosefwa kumuba nshiji? (Nte. 37:3-11; 39:1, 6-10) Yosefwa wachinchikile nshiji yo apichilengamo pa kimye kyalepa byepi? (Nte. 37:2; 41:46) Mu kimye Yosefwa kyo bamubile nshiji, ñanyi bintu Yehoba byo amubijile kabiji ñanyi bintu byo abujile kumubila?​—Nte. 39:2, 21; w23.01 17 ¶13.

Kebakebai bishinka. Baibolo kechi waambapo amba Yosefwa waesekele kwipokolola ku bintu bya bubela byamubepejile muka Potifwalo ne. Bino binembelo byakonsha kwitukwasha byepi kuyuka ene mambo Yosefwa o abujijile kwipokolola ku bintu bya bubela byo bamubepejile nangwa ene mambo o twakonsha kubujila kuketekela kwitubuula bishinka byonse? (Maana 20:2; Yoa. 21:25; Byu. 21:37) Ñanyi byubilo byajinga ne Yosefwa byamukwashishe kuchinchika nshiji yo apichilengamo?​—Mika 7:7; Luka 14:11; Yako. 1:2, 3.

Yukai bintu byo mwafunjilako. Ishikishai’mba:

• ‘Byo nji mwana wa bwanga wa kwa Yesu, ñanyi nshiji yo nakonsha kupitamo?’ (Luka 21:12, 16, 17; Hebe. 10:33, 34)

• ‘Ñanyi bintu byo nafwainwa kuba pa kuba’mba ngyuke nshiji yo nakonsha kupitamo?’ (Sala. 62:7, 8; 105:17-19; w19.07 2-7)