Byambo Bitanshi
Nanchi mutonga kwikala mu ntanda mwabula makondo nangwa malwañano nyi? Bantu bavula balanguluka’mba kino kuba kyamweka ne. Baibolo walumbulula ene mambo bantu o bakabujila kupwisha nkondo. Kabiji walumbulula ne ene mambo o mwafwainwa kushiinwa’mba katatakatu bantu pano ntanda ponse bakekalenga mu mutende.
Mu kino Kyamba kya Usopa, byambo bya kuba’mba “nkondo” ne “malwañano” bibena kulumbulula kulwa kwikala pakachi ka bipanyi bya bumulwila ntanda mu kyalo nangwa pakachi ka byalo kwingijisha bilwilo bya nkondo nangwa bashilikale. Mazhina a bantu bamo bo twaambapo apimpulwa.