Ntanda Babena Kwiyonauna—Baibolo Waambapo’mba Ka?

Pa 4 April, 2022 mu kije kya makafulumende kitala pa kwalauka kwa mwela, António Guterres mukulumpe wa kipamo kya United Nations waambile’mba, “Bintu bikayangatu na kutaminako. Mizhi ikatampe yavula ikayujilwamo na mema. Kutwa kyuya. Binkunkwila bilengesha moyo. Kukepelwa kwa mema mwaya ntanda yonse. Kuzhiya kwa bichi ne banyama. Abino bintu kechi mañambilatu ne. Ba sayansi baamba’mba byo bikamwekanga inge makafulumende abula kupimpula mizhilo yaamba pa bya kwingijisha manyi.”

Pepala wa byambo umo waambile’mba, “Bashayuka ba bya sayansi baakamwa kuba’mba mu myaka ya kulutwe konaunwa kwa bintu na mambo a kwalauka kwa mwela kukafika pepi mu mapaka onse 423 [aji mu United States], mambo ano mapaka akonsha konaika bingi inge kutwa kyuya kwatwajijila kubailako. Abino bintu byatama bijitu nobe byobya byo tutanga mu Baibolo: mujilo ne muyulo, kusunguluka kwa mabwe akatampe a mema achimba, kubailako kwa binkunkwila bya pa tulunga ne kyuya.”—“Flooding Chaos in Yellowstone, a Sign of Crises to Come,” The New York Times, June 15, 2022.

Nanchi bino bya malwa byakonsha kupwa nyi? Inge ibyo, ñanyi ukebipwisha? Monai byaamba Baibolo.

Konaunwa kwa ntanda kwaambijilwe jimo

Baibolo waamba’mba Lesa ukonauna “boba babena konauna ntanda.” (Lumwekesho 11:18) Akino kyepelo kitufunjisha bintu bisatu:

1. 1. Bantu bakonauna bingi ntanda.

2. 2. Konaunwa kwa ntanda kukapwa.

3. 3. Lesa ye ukapwisha ano makatazho kechi bantu ne.

Ntanda ikawama kulutwe

Baibolo waamba’mba “ntanda yaikala myaka ne myaka.” (Musapwishi 1:4) Bantu bakatwajijila kwikalapo.

Ino ntanda bakeiwamisha