Tubyambo twa Munshi

a Banabakazhi bamo inge bapaapa, bapopomenwa bingi. Onkao mambo, kibakatazha kuta mwanabo muchima. Pano bino, kechi bafwainwa kwizhachisha ne. Kipamo kya U.S. National Institute of Mental Health kyaamba’mba, ‘kuji bintu byavula bilengela mwanamukazhi kupopomenwa inge wapaapa, nabiji bijikila ne lupimpu lubiwa mu mubiji na mambo a kunema pa muchima, . . . bino kechi kilumbulula’mba paji byo auba aye mwine byalengela ne.’ Inge mukeba kuyukilapo byavula pa kino kikola, tangai kibaaba kya kuba’mba “Understanding Postpartum Depression” mu Labainga! wa Kizungu wa June 8, 2003.