Yelemiya
22 Yehoba waamba’mba: “Yanga ku nzubo* ya mfumu wa mu Yuda ne kutwala bino byambo. 2 Ukambe’mba, ‘Umvwai byaamba Yehoba, anweba mfumu wa mu Yuda mwaikala pa jitanda ja Davida, anweba pamo na bakalume benu ne bantu benu batwelela pa bino bibelo. 3 Yehoba waamba’mba: “Ubainga bintu kwesakana na mizhilo ne kuba bintu byaoloka. Kwashai muntu ye baangata bintu kya lunkanankana ku muntu wa bujimbijimbi. Kange muyanjishe muntu wafuma ku kyalo kingi ne, kabiji kange mukabishe mwana* wabula bashanji nangwa mwanamukazhi wafwilwa ne.+ Kabiji kange mukechile mashi a muntu wabula mambo mu ino mpunzha ne.+ 4 Mambo umvwe kine mwalondela byo nemubuula, ko kuba’mba bamfumu bekala pa jitanda ja Davida,+ bakatwelelanga pa bibelo bya ino nzubo saka benda pa makalaki ne pa bambili, ne bakalume babo ne bantu babo.”’+
5 Yehoba waamba’mba, “‘Umvwe mwabula kulondela byo nemubuula, amiwa nachipa namba ino nzubo ikonaika.’+
6 “Yehoba waambila kisemi kya mfumu wa mu Yuda amba,
‘Obewa uji nobe Gileada kwi amiwa,
Uji nobe peulu ya mutumba wa Lebanoni.
Pano bino, amiwa nkakwalula ke kiselebwa;
Kabiji mu mizhi yobe kechi mukekalapo muntu nangwa umo ne.+
Bakatema bichi byobe bya sida byawamisha
Kabiji bakebitaya mu mujilo.+
8 “‘Bisaka byavula bya bantu bikapitanga mu uno muzhi, kabiji bikeipuzhanga mulwabyo amba: “Mambo ka Yehoba o aubijile kino kintu ku uno muzhi mukatampe?”+ 9 Kabiji bikakumbula’mba: “Wauba bino, mambo kechi balamine lulayañano lwa Yehoba Lesa wabo ne, kabiji bafukamijilenga balesa bangi ne kwibengijila.”’+
10 Kange mujile muntu wafwa ne,
Kabiji kange mwikale na bulanda na mambo a aye ne.
Pakuba anweba jilaiko yewa ye batwala mu buzha,
Mambo aye kechi ukabwela jibiji mu kyalo mo asemekejilwe ne.
11 “Mambo Yehoba waamba pe Shaluma*+ mwana wa kwa Yosiya, mfumu wa mu Yuda waswana pa bufumu bwa shanji Yosiya,+ wafuma mu kino kyalo amba: ‘Kechi ukabwelamo jibiji ne. 12 Mambo aye ukafwila mu kyalo mo bamutwala buzha, kabiji kechi ukamonapo jibiji kino kyalo ne.’+
13 Malwa anji awa ushimika nzubo kwingijisha mashinda a bujimuku
Ne kushimika bibamba byanji bya peulu kwingijisha mashinda atama,
Yenka ulengela muntu mukwabo kumwingijila kyatutu,
Kabiji ukana kufwetañana;+
14 Yenka wamba’mba, ‘Nkeshimikila nzubo ikatampe
Iji na bibamba bya peulu byabaya.
Nkabikamo bipenze
Nkeishimika na mapulanga a bichi bya sida ne kushingako musombelo uchila.’
15 Nanchi ukatwajijila kulama na mambo a kuba’mba wayuka bya kwingijisha kichi kya sida kukila bakwenu nyi?
Bashobe nabo bajiilenga ne kutoma,
Pano bino, abo baubilenga bintu kwesakana na mizhilo ne kuba bintu byaoloka,+
Kabiji bintu bibawamijile.
16 Abo baimenejilengako bantu bo bayanjishenga ne boba bakajilwa,
Kya kuba ne bintu byaendelenga bulongo.
Yehoba waamba’mba, ‘Nanchi kuba bino kechi ko kulumbulula kungyuka nenyi?’
17 ‘Bino meso obe ne muchima wobe bikakebangatu kumwena bintu mu jishinda jabula kufwainwa,
Kwichila mashi a bantu babula mambo,
Ne kwangata bintu mu bujimbijimbi ne kuja bintu kya lunkanankana.’
18 “Onkao mambo, Yehoba waamba pe Yehoyakimu+ mwana wa kwa Yosiya mfumu wa mu Yuda amba,
‘Kechi bakamujila amba:
“Mama yoyoyo kolojami! Mama yoyoyo nyenga yami!” ne.
Kechi bakamujila amba:
“Mama yoyoyo nkambo yami! Mama yoyoyo, lukumo lwanji lwapwa!” ne.
19 Bakamuzhiikatu byonka byo bazhiika mbongolo,+
Bakamukululula ne kumutaya,
Pangye ya bibelo bya Yelusalema.’+
20 Yanga ukajijile ku Lebanoni,
Ukasuntule jiwi jobe mu Bashana,
Kabiji ukajijile ne mu Abalimu,+
Mambo bakambwe bobe bonse bebonauna.+
21 Amiwa nakwambijile byo wimwenenga’mba waikala mu mutende.
Pano bino, waambile’mba, ‘Kechi nkakookela ne.’+
Bino byo byo waubilenga kufumatu ne ku bwanyike bobe,
Mambo obewa kechi wakookejile byo naambilenga ne.+
22 Mwela ukasenda bakafunga bobe bonse,+
Ne bakambwe bobe bakebatwala mu buzha.
Bakakulengesha bumvu ne kukulengulula na mambo a bya malwa byonse bikakufikila.
23 Anweba bonse mwikala mu Lebanoni,+
Mwaikala nobe binsa mu bichi bya sida,+
Mukabinza bingi kimye bisanso kyo bikemufikila,
Mukomvwa misongo* nabiji yoya ikalapo na mwanamukazhi ubena kupaapa!”+
24 Yehoba waamba’mba, “‘Byonkatu byo nji na bumi, nangwatu obewa Koniya*+ mwana wa kwa Yehoyakimu+ mfumu wa bena Yuda, inge wajinga kambalaminwe ka katetesho ku munwe wami wa ku kilujo, inge nakufumisheko! 25 Nkakupana mu kuboko kwa bantu bakeba konauna bumi* bobe, mu kuboko kwa boba bo uchina, mu kuboko kwa Nebukaneza Mfumu wa Babilona ne mu kuboko kwa bena Kalodeya.+ 26 Obewa ne bainobe nkemupangila mu kyalo kingi mo mwabujile kusemekelwa, kabiji mukafwila monkamwa. 27 Kabiji kechi bakabwela mu kyalo kyo batonga* ne.+
28 Nanchi uno kechi ye Koniya ye balengulula, uji nobe mpuki yalajika,
Kipe kyo babula kukeba ku muntu nangwa umo nenyi?
Nanchi mambo ka aye ne kisemi kyanji o bebapangila
Ne kwibataya mu kyalo kyo babula kuyuka?’+
29 Obewa ntanda,* obewa ntanda, obewa ntanda umvwa byaamba Yehoba.
30 Yehoba waamba’mba: