Ñanyi bupe bwawama bo mwakonsha kupa baana benu? Baana bakeba bintu byavula bingi nabiji kwibatemwa, kwibatangijila, ne kwibazhikijila. Pano bino, bupe bwanema bo mwakonsha kwibapa ke maana a kuyuka Yehoba ne bukine buji mu Mambo anji anembwa mu Baibolo. (Yoano 17:3) Ano maana akonsha kukwasha baana benu kutemwa Yehoba ne kumwingijila na muchima yense kufumatu ku bwanyike.—Mateo 21:16.

Bansemi bavula batana kuba’mba baana ba bacheche bafunda bulongo inge kemwibafunjishe bicheche. Onkao mambo, tuji bingi na lusekelo kulupula uno buloshuwa wa kuba’mba Byo Mfunda Baibolo. Mu lufunjisho lonse muji byambo byapela kumvwa. Bipikichala ne byambo bijimo bebinengezhezha kikatakata baana baji na myaka isatu ne kubwela panshi. Muji ne bya kuba bansemi. Buloshuwa wa Byo Mfunda Baibolo kechi wa kukaisha banyike ne. Bamunengezha kuba’mba anweba bansemi mutangilenga pamo na baana benu pa kuba’mba mwisambenga nabo bulongo.

Twaketekela kuba’mba uno buloshuwa ukemukwasha kufunjisha baana benu bukine bwa mu Baibolo ‘kufumatu ku bulukeke.’—2 Timoti 3:14, 15.

Atweba balongo benu,

Jibumba Jitangijila ja Bakamonyi ba kwa Yehoba

Ñanyi walengele ntanda?

Ñanyi walengele mukola?

Ñanyi walengele obewa ne amiwa?

Ñanyi walengele kipupulwa kiji na byapi byawama bibye?

Yehoba Lesa ye walengele byonse.

BYA KUBA BANSEMI

Tangilai mwanenu:

Lumwekesho 4:11

Ambilai mwanenu atongole:

Tubangabanga Makumbi Juba

Bwato Jisabi Nzubo

Mukola Kipupulwa

Ipuzhai mwanenu amba:

Lesa ñanyi jizhina?

Yehoba wikala pi?

Ñanyi bintu byo alengele?

Mona banyama baji kwipi na bwato bwa kwa Nowa.

Bepi bajila’mba moo, kabiji bepi baboza?

Banyama bonse, bacheche ne bakatampe, bwato bwa kwa Nowa bwibapulwishe bonse.

BYA KUBA BANSEMI

Tangilai mwanenu:

Ntendekelo 7:7-10; 8:15-17

Ambilai mwanenu atongole:

Mbeyala Kabwa Nzovu

Njabuluba Bokwe Kolwe

Nkumba Mukooko

Kingalika Kakongolo

Ambilai mwanenu asombolole bano banyama:

Kabwa Bokwe Kolwe

Nkumba Ñombe

Davida waumvwa’mba mukwabo wakolwa.

Waamba’mba: “Nayuka byo nsa kuba.

Nsakumunembela nkalata namutwajile pa kuba’mba omvweko bulongo!”

Inge waubila mukwenu lusa, bonse babiji mukasangalala!

BYA KUBA BANSEMI

Tangilai mwanenu:

1 Petelo 3:8

Ambilai mwanenu atongole:

Nzubo Tebulu Davida

Juba Ñonyi Kichi

Ipuzhai mwanenu amba:

Wayukapo muntu wakolwa nyi?

Wakonsha kumukwasha byepi pa kuba’mba omvweko bulongo?

Kuji mvula lelo.

“Nakankalwa ne kulupuka mu nzubo.

Kana usakuchibika bukiji nyi?”

Meli ubena kujila.

Kubazhimikatu!

Juba jasama.

Mvula wachibika.

Meli wasangalala!

Walupuka lubilo pangye, Meli waumvwa bulongo pa kumona kintu kyawama.

Meli waamba’mba, “Kechi nayukile amba mvula ufuma kwi Lesa ye ulengela maluba kukoma ne!”

BYA KUBA BANSEMI

Tangilai mwanenu:

Byubilo 14:17

Ambilai mwanenu atongole:

Kipenze Kañonyi Meli

Kichi Maluba

Tongola paji:

Kakilongolo Ndeke

Ipuzhai mwanenu amba:

Mambo ka Yehoba o anokeshesha mvula?

Inge mukwenu wakupa bupe nangwa wakubila kyawama, wafwainwa kumwemwesela jimo—nangwa jibiji!

Konse ko uji kimye kyonse uvulukenga kwamba’mba “Nasanta!”

BYA KUBA BANSEMI

Tangilai mwanenu:

1 Tesalonika 5:18

Ambilai mwanenu atongole:

Bupe Kalombwana

Kinzhilo Kajo

Tongola paji:

Kipangwa Foni

Ipuzhai mwanenu amba:

Mambo ka o kyawamina kwamba’mba “Nasanta”?

Tala ku minwe yobe ne kusunkenya mana.

Kwata ku matwi obe ne ku moona.

Tala ku maulu akulengela kunyema, ne kukilauka ne kuzhokoloka ne kukaya!

Tala mu katajilo, ñanyi ye wamona?

Yehoba ye walengele byonse byawama!

BYA KUBA BANSEMI

Tangilai mwanenu:

Salamo 139:14

Ambilai mwanenu ekwate ku:

Minwe Mana Moona

Matwi Kanwa

Tongola paji:

Lukala Kamenshi

Ipuzhai mwanenu amba:

Ñanyi walengele obewa ne amiwa?