“Betubijile Bingi Lusa” (Byu. 28:1-10)

18-20. Bena Melita bamwesheshe byepi “lusa,” kabiji Lesa waubile byepi kya kukumya kupichila mwi Paulo?

¹⁸ Bano bonse bapulukile bajinga pa jikuji ja Melita ku kabeta ka ku bulenge ka Sisili. (Monai kakitenguluzha ka kuba’mba “Nanchi Jikuji ja Melita Jaikejile Kwepi?”) Bantu ba ku ino mpunzha “betubijile bingi lusa.” (Byu. 28:2) Onkao mambo, babanzhijile mujilo bano bantu banokelwe na mvula ne kushiya na mashika. Uno mujilo walengejile mashika o bajinga nao kupwa. Na mambo a uno mujilo ye babanzhile, pamwekele ne kya kukumya.