Lwimbo Nambala 102
Imbai Lwimbo wa Bufumu!
Buku ye Bapulinta
1. Uno lwimbo, ye lwimbo wa kushinda;
Utumbijika Mwine wakila.
Ulengela kwikala bakishinka.
Mwiye twimbe lwimbo wa Bufumu:
(KOLASI)
‘Mwiye tupopwele Lesa.
Twambe pa Mwananji Mfumu!
Mwiye mufunde lwimbo wa Bufumu;
Mufukame mumutote Lesa.’
2. Mu uno lwimbo twamba pa Bufumu.
Kilishitu ubena kulama.
Kabiji kuji ne mukoka mupya;
Banswanyi bakalama ne Yesu:
(KOLASI)
‘Mwiye tupopwele Lesa.
Twambe pa Mwananji Mfumu!
Mwiye mufunde lwimbo wa Bufumu;
Mufukame mumutote Lesa.’
3. Bakimote bo bamuyuka lwimbo.
Byambo bijimo byawama bingi.
Bantu bavula bingi bamufunda,
Nabo bafunjishako bakwabo:
(KOLASI)
‘Mwiye tupopwele Lesa.
Twambe pa Mwananji Mfumu!
Mwiye mufunde lwimbo wa Bufumu;
Mufukame mumutote Lesa.’
(Monai ne Sala. 95:6; 1 Pe. 2:9, 10; Lum. 12:10.)