Kufunda Buloshuwa wa Labainga Mukenkentenga!

Kuzhokoloka ntanda yonse, bipwilo bikafundanga buloshuwa wa Labainga Mukenkentenga! pa Lufunjisho lwa Buku lwa Kipwilo kutendeka mu mulungu wa May 23 shoo kufika ne mu mulungu wa June 20, 2005. Mwane ingijishai mepuzho alondelapo kimye kyo mubena kunengezha kabiji ne pa kutangijila kuno kupwila. Kimye kya lufunjisho, tangai byambo byanembwa, ne binembelo umvwe kimye kyaikala konka.

Mulungu wa May 23

◼ Mapeja 3-4: Pa bibye bintu byatanchikwa papo, kikatakata byepi byalamata bwikalo bwenu? Ki ka kimwesha ko muji kuba’mba abye bintu kechi bimwekatu ku mpunzha ko mwikala ne?

◼ Peja 5: Ki ka kimulengela kusumininwa’mba Lesa kine wituta muchima? Ki ka kimwesha byo twamuta muchima Lesa kabiji ne byo abena kuba?

◼ Mapeja 6-8: Mateo 24:1-8, 14 wambapo’mba ka mwatala bwikalo bwa ino ntanda lelo jino? Byonka byo kyamweshiwa mu 2 Timoti 3:1-5, moba a mutundu ka ano o tubena kwikalamo? Moba a kupelako a bi ka? Ki ka kimushiina’mba Baibolo kine Mambo a Lesa? Bufumu ka bo tusapwila?

◼ Mapeja 9-10: Mambo ka o twafwainwa kulangulukishapo bulongo pa bintu byo tufuukulapo kuba pa juba ne juba ne bintu byo tutangizhako mu bwikalo bwetu? (Loma 2:6; Nga. 6:7) Byo mubena kupituluka mu mepuzho aji pa peja 10, binembelo ka biya mu milanguluko byafwainwa kwimukwasha pa kyo muba?

Mulungu wa May 30

◼ Peja 11: Mambo ka o twafwainwa kwiipuzhanga bunke bwetu mepuzho aji pa ino peja? (1 Ko. 10:12; Efi. 6:10-18) Mikumbu yetu ku ano mepuzho imwesha byepi’mba twatesha muchima ku lujimuno lwa kwa Yesu luji mu Mateo 24:44 nangwa ne?

◼ Mapeja 12-14: “Kimye kya kije” kyatongolwa mu Lumwekesho 14:6, 7 kyo ki ka? Ñambilo ya kuba’mba ‘akamwai Lesa ne kumupa lukumo’ yatala mwepi? Babilona mukatampe ye muka, kabiji ki ka kikamumwekela? Twafwainwa kubapo byepi lonka luno pa mambo a Babilona Mukatampe? Ki ka kikwabo kyavwangiwamo mu kimye kya kije kyaambijiwe jimo? Kubula kuyuka ‘juba nangwa kimye’ kikeshilamo lukabisho lwa Lesa lwaambiwa jimo kwitulengela kwikala byepi? (Mat. 25:13)

◼ Peja 15: Nga mambo a bumfumu o aka, kabiji etulamata byepi pa muntu pa muntu?

◼ Mapeja 16-19: ‘Jiulu jipya ne “ntanda ipya” byo bi ka? (2 Pe. 3:13) Ñanyi walaya bino bintu? ‘Jiulu jipya ne “ntanda ipya” bikaleta ñanyi lupimpu? Nanchi atweba bonse pa muntu pa muntu tukamwenamo nyi?

Mulungu wa June 6

◼ Mapeja 20-1: Ñanyi lujimuno pa mambo a kunyema Yesu lo ajimwine baana banji ba bwanga ba mu myaka kitota kitanshi? (Luka 21:20, 21) Kimye ka kuno kunyema po kwakonshekele? Mambo ka o kyakebewenga kunyemamo bukiji bukiji kwakubula kukwata nangwa ku lusono ne? (Mat. 24:16-18, 21) Mambo ka bantu bavula o balengulwila lujimuno? Nga bantu bavula mu kyalo kya China ne mu Philippines bamwenejilemo byepi mu kumvwina lujimuno? Mambo ka o kibena kukebewa kumvwina bukiji bukiji lujimo luji mu Baibolo pa mambo a mpelo ya buno bwikalo bujipo? Na mambo a kuba kimye kyo tujimo kyapwa kala, ñanyi mutembo ye tuji nanji? (Mana. 24:11, 12)

◼ Mapeja 22-3: Mu kyalo kya Australia mu mwaka wa 1974 kabiji ne mu Colombia mu mwaka wa 1985, mambo ka bavula o basujijile lujimo lwa bya malwa, kabiji ki ka kyafuminemo? Umvwe wajinga anweba, mwakonsheshe kubapo byepi pa luno lujimuno kabiji mambo ka? Ki ka kyakonsha kumwesha umvwe kana twakonsheshe kumvwina lujimuno mu moba a Nowa? Mambo ka bantu o bakebejile kwikala mukachi ne kwipi na Sodoma wa kukala? Twakonsha kumwenamo byepi pa kulangulukisha kyamwekele mu Sodoma?

Mulungu wa June 13

◼ Mapeja 24-7: Ingijishai “Mepuzho a Kufunda” aji pa peja 27

Mulungu wa June 20

◼ Mapeja 28-31: Ingijishai “Mepuzho a Kufunda” aji pa peja 31.

Kufunda uno buloshuwa kuketukwasha kwikala ba ‘kulaba ne kukenkenta’ kabiji ne kutengelela jimo. Mwane kine mwingilo wetu wa kusapwila ku bantu kimye kyonse amweshenga kubijika kwa bukiji bukiji kwa malaika kwa kuba’mba: “Akamwai Lesa, mumupe lukumo; mambo kimye kya kije kyanji kyafika.”—Mat. 24:42, 44; Lum. 14:7.