Bibusa Bifuma mu Kukokela Lesa

Kukomenako kwa pesenti umo kwa basapwishi mu Zambia mu 2005 kumwesha’mba twakokejile mukambizho wa Yesu wa ‘kulenga baana ba bwanga.’ Kabiji baana ba bwanga 7,242 nabo bakokejile mukambizho wa kubatizwa kumwesha kwipana kwabo.—Mat. 28:19, 20.

Nangwa kya kuba’mba mafunjisho a Baibolo avula afunjishiwe kukila mwaka wa mwingilo wapwa, bino bachechetu bo babatizwe—mambo ka? Abya kibena kukebewa kulondela bulongo mashinda aji mu mitwe yalondankana ya kuba’mba “Kufunjishanga Mafunjisho a Baibolo Anunguluka” pa kuba’mba tumonenga bibusa bikatampe bifuma kwi Yehoba nyi? Twayai tulombelelengapo pa kuba kino kintu.—Nte. 6:22.