Masawakya Asangajika Muchima!

Masawakya abena kwamba pa bantu balenga Yehoba kwikala Lesa wabo kabiji ne kulondela mpopwelo ya kine asangajika bingi michima yetu. (Mana. 15:30; 25:25) Nanchi muji na sawakya wawama ye mukeba kwitubula nyi? Twakonsha kutemwa bingi kumumvwa. Kampe mu bañondo bacheche bapitapo, mwatainemo byawama mu kwingijisha buku wa Baibolo Ufunjisha. Nanchi mwamona kuba’mba kulomba kwimukwashishe bingi mu bwikalo bwenu nyi? Kampepo, mwakwasha wakokele ku mupashi kwikala jibiji wakosa. Twakonsha kusekela bingi kumvwa masawakya a uno mutundu! Byamwekele byabula kulepesha byanembwa bulongo pa kipepala, byafwainwa kupewa ku mukulumpe utangijila mu kipwilo kuba’mba asaine ne kutuma ku ofweshi wa musampi “Attention Desk SB.” Monai kuba’mba mwanemba bulongo, kulumbulula byonse bibena kukebewa kubikapo ne jizhina jenu, myaka yo muji nayo kabiji ne kipwilo kyenu. Mwane monai kuba’mba byamwekele byafwainwa kufika ku musampi juba ja June 1, 2007 saka jikyangye kufika ne.