BWIPUZHO 1
Lesa ye ñanyi?
“Bantu bayuke’mba anweba, yenka wa jizhina ja Yehoba, yenu bunketu Mwine Wakila pano pa ntanda ponse.”
“Yukai’mba Yehoba ye Lesa. Aye ye witulengele, ne atweba twi bantu banji.”
“Amiwa yami Yehoba. Jino jo jizhina jami. Kechi mpana lukumo lwami ku muntu nangwa umo ne. Kabiji lutotelo lwami kechi nelupana ku bankishi ba kusonga ne.”
“Yense wita pa jizhina ja Yehoba ukapuluka.”
“Nzubo yonse kuji wiishimika, bino walengele bintu byonse, ye Lesa.”
“Talai mwiulu mumone. Ñanyi walengele bino bintu byonse? Yenkawa wibitangijila monka mwayila kuvula kwabyo ne kwibibala; byonse wibitela pa mazhina. Na mambo a bulume bwanji bukatampe ne ngovu yanji ya kukumya, kafwako kintu nangwa kimo kyabulapo ne.”