Shimunainga Mambo Awama

1. Bukine bwa Bufumu bwafyamikile.

Lukunwa walailwe bamusolola.

Yehoba mu lusa ne mu bololoke

Usaka kukwashako bandengamambo.

Ukeba Mwananji kulamanga ntanda;

Ukekajika Bufumu pa kimye kyanji.

Ne kunengezha musongwa wa Mwananji,

Jibumba jicheche jasalwa janema.

2. Twamba mambo ayukanyikilwe kala.

Yehoba ye wasaka mba beayuke.

Bamalaika banji twingila nabo,

Bo betukwasha kusapwila Bufumu.

Tuji na mwingilo wanema kya kine

Wa kumuzhijika ne kumutota Lesa.

Twasanta byo tuji Bakamonyi banji

Ne pa kusapwilanga mambo a myaka.