BWIPUZHO 5
Ñanyi byambo bitanwa mu Baibolo?
“Amiwa nkabika bulwanyi pakachi kobe ne mwanamukazhi ne pakachi ka mwanobe ne mwana wa mwanamukazhi. Aye ukafumpa mutwe wobe ne obewa ukasuma ku kashiko kanji.”
“Kupichila mu mwanobe bisaka byonse bya bantu biji pano pa ntanda bikatambula mapesho mambo waumvwina jiwi jami.”
“Bufumu bwenu bwiye. Kyaswa muchima wenu kyubiwe pano pa ntanda.”
“Mambo katatakatu, Lesa upana mutende akachakakanye Satana munshi ya maulu enu.”
“Pakuba bintu byonse byo bakebikookesha munshi ya maulu anji, Mwana naye ukekookesha aye mwine kwi Lesa yenka wamukookesheshe bintu byonse pa kuba’mba, Lesa ekale bintu byonse ku bantu bonse.”
“Abalahama ne mwananji batambwile milaye . . . , aye Kilishitu. Kabiji umvwe mwi ba kwa Kilishitu, mwi baana ba kwa Abalahama.”
“Bufumu bwa pa ntanda bwaaluka ke Bufumu bwa Nkambo yetu ne bwa Kilishitu wanji, kabiji aye ukekala mfumu myaka ne myaka.”
“Onkao mambo, nsuñunyi mukatampe bamutayile panshi, yenka aye muloolo wa kala, utelwa’mba Diabola kabiji Satana, yenka ubena kujimbaika bantu ba pano pa ntanda ponse; bamutayile pa ntanda ne bamalaika banji bebatayile pamo nanji.”
“Wakwachile awa nsuñunyi yenka muloolo wa kala, aye Diabola kabiji Satana, ne kumukasa myaka 1,000.”