BWIPUZHO 7
Ñanyi bintu Baibolo byo aambijile jimo pa ano moba?
“Kisaka kikalukuka kisaka kikwabo ne bufumu bukalukuka bufumu bukwabo . . . Bino bintu byonse yo ntatwilo ya bisanso.”
“Bangauzhi ba bubela bavula bakeya kabiji bakatwala bavula mungi; kabiji na mambo a kuvujilako kwa bubi, butemwe bwa bavula bukakepa.”
“Byo mukomvwanga makondo ne nkuwa ya makondo, kange mukakamwe ne; bino bintu byafwainwa kumweka, mpelo saka ikyangye kufika.”
“Kukekala bitentanshi bikatampe, ne bipowe bya nzala ne myalo kuku ne kuku; kabiji kukekala bintu bilenga moyo pa kwibimona ne biyukilo bikatampe mwiulu.”
“Mu moba a kupelako kukeya bimye byakatazha. Mambo bantu bakekala betemwatu abo bene, batemwa mali, bejantula, belundumika, ba mwenga, babula kukookela bansemi, babula kusanta, babula bukishinka, babula butemwe, babula kukeba kumvwañana, ba luntepentepe, babula kwikanya, bashinta, babula kutemwa kyawama, basolola bakwabo, babula kumvwa, betota, batemwa bya kisangajimbwe mu kifulo kya kutemwa Lesa, bamweka nobe baji na munema wa kunemeka Lesa, bino bakana bulume bwa uno munema.”