BUTALA BWA MABUKU BWA PA INTANETI

Mutanchi wa Mulungu wa December 8

Mwingilo—2014 | December
- Mutanchi wa Mulungu wa December 8
  
  MULUNGU WA DECEMBER 8
  
  Lwimbo 6 ne Lulombelo
  
  Lufunjisho lwa Baibolo lwa Kipwilo:
  
  bt kita. 25 mafu 1-7, ne tubitenguluzha pa jipa 199, 200 (Mamini. 30)
  
  Sukulu wa Mwingilo wa Lesa:
  
  Kutanga Baibolo: Yoshua 1-5 (Mamini. 10)
  
  Na. 1: Yoshua 1:1-18 (Mamini. 4 nangwa kubwela panshi)
  
  Na. 2: Kwikala Bakishinka mu Kipwilo—lv ma. 165-166 mafu. 10-14 (Mamini. 5)
  
  Na. 3: Muntu Wakonsha Kuzhatwa Byepi na Mambo a Bulalelale bwa ku Mupashi?—w05 12/1 ji. 8 mafu. 3, 4 (Mamini. 5)
  
  Kupwila kwa Mwingilo:
  
  Kishina kya uno Ñondo: Wamba “bintu byawama” kufuma mu muchima wanji.—Mat. 12:35a.
  
  Lwimbo 94
  
  Mamini. 10: “Bintu Byawama’ Byo Tubena Kuketekela Uno Ñondo.” Jashi. Ambai pa kishina kya uno ñondo. (Mat. 12:35a) Twatambwijile bintu byanema bya ku mupashi ku muntu witufunjishe bukine. (Monai Kyamba kya Usopa kya April 1, 2002, ji. 16, mafu. 5-7.) Ne atweba twafwainwa kubulangako bakwetu “bintu byawama.” (Nga. 6:6) Babujilai jimo “bintu byawama” byo tukafunda uno ñondo mu Kupwila kwa Mwingilo. Tukafunda bya kufunjisha bulongo ne kufunda nyimbo ya katataka.
  
  Mamini. 20: “Kuwamishako Busendwe Bwetu bwa Kusapwila—Kumwesha bya Kufunjisha Baibolo Kwingijisha Buku wa Baibolo Ufunjisha.” Mwisambo. Musapwishi wayuka kufunjisha nangwa painiya amweshe bya kufunjisha Baibolo kwingijisha buku wa Baibolo Ufunjisha.
  
  Lwimbo 96 ne Lulombelo

“Kuwamishako Busendwe Bwetu bwa Kusapwila—Kumwesha bya Kufunjisha Baibolo Kwingijisha Buku wa Baibolo Ufunjisha.”

Mwingilo—2014 | December
- “Kuwamishako Busendwe Bwetu bwa Kusapwila—Kumwesha bya Kufunjisha Baibolo Kwingijisha Buku wa Baibolo Ufunjisha.”
  
  Ene Mambo o Kwanemena: Bantu bavula kechi bayuka byo kilumbulula inge twaamba’mba tufunjisha bantu Baibolo kyatutu. Bakonsha kulanguluka amba bafwainwa kwinunga ku jibumba ja babena kufunda Baibolo nangwa kunemba makalata pa kufunda. Kukila ku mubulatu pa kanwa, bino bamweshai byo tufunjisha bantu. Mu maminiti acheche nangwa mwaimanatu, mwakonsha kumwesha muntu jishinda japeela jo tufunjilamo Baibolo ne byo bakonsha kumwenamo.
  Byo Twafwainwa Kuba:
  
  Inge mwilumbulula, ipuzhai mwina nzubo inge ulangulukapo pa byo bakekala na kisemi kyanji kulutwe na lwendo.
  
  Lumbululai kuba’mba bantu bavula balanguluka byonkabyo, ne kwibamwesha mutanchi wa bijimo mu buku wa Baibolo Ufunjisha. Balumbulwilai amba uno buku muji mafunjisho apeela kumvwa amwesha bifunjisha Baibolo pa byo kikekala kulutwe na lwendo ne mitwe ikwabo, ne kwibepuzha kitango kyo bafwainwa kutemwa kufunda.
  
  Bapai buku ne kuzhikula pa kitango kyonka kyo baji kusala. Balumbulwilai kuba’mba mepuzho aji ku ntendekelo ya kitango akumbulwa mu mafuka alondelapo.
  
  Ambilai mwina nzubo kutanga jifuka jitanshi inge wakonsha kutanga. Apa bino tangai bwipuzho bwa jojo jifuka, ne kutana mukumbu na mwina nzubo. Monai kinembelo kyonse kijimo mu jifuka kyakwatankana na mukumbu ne kwisambapo. Bamweshai byo mwashabula pa mikumbu mu buku wenu.
  
  Tangai jifuka jalondelapo, ne kwambila mwina nzubo kukumbula bwipuzho kwa kubula kutanga biji mu jifuka.
  
  Musanchilai ne kumvwañana juba jo mukabwelako na kupwisha mafuka ashalako.
  
  Inge kyakonsheka, mutambishai vidyo uji pa jw.org wa mutwe wa kuba’mba, Kikala Byepi pa Kufunda Baibolo?
  Esekai Kuba Bino Uno Ñondo:
  Lombai Yehoba kwimupesha pa kuba’mba mukatendeke lufunjisho lwa Baibolo lwa katataka.—Fili. 2:13.
  
  Esekai kumwesha byo mwafwainwa kutendeka lufunjisho lwa Baibolo kwingijisha buku wa Baibolo Ufunjisha, nangwa tambishai vidyo wa Kikala Byepi pa Kufunda Baibolo? nangwa jimotu kimye kyo muji mu mwingilo.

Lufunjisho lwa Baibolo lwa Kipwilo:

Sukulu wa Mwingilo wa Lesa:

Kupwila kwa Mwingilo:

Esekai Kuba Bino Uno Ñondo: