-
Bwipuzho 13: Baibolo waambapo’mba ka pa nkito?Baibolo wa Binembelo bya Ntanda Ipya
-
-
BWIPUZHO 13
Baibolo waambapo’mba ka pa nkito?
“Nanchi wamonapo muntu wayuka kwingila bulongo mwingilo wanji nyi? Aye ukemana ku bamfumu; kechi ukemana ku bantutu ne.”
“Awa wiba ekileke; bino engile na ngovu, ne kwingila mingilo yawama na maboko anji kuba’mba amwenemo byawama bya kupapo wakajilwa.”
“Muntu yense wafwainwa kuja, kutoma ne kusangalela mu mingilo yanji yonse. Kino ke kya bupe kyafuma kwi Lesa.”
-
-
Bwipuzho 14: Mwakonsha kwingijisha byepi bulongo bipe byenu?Baibolo wa Binembelo bya Ntanda Ipya
-
-
BWIPUZHO 14
Mwakonsha kwingijisha byepi bulongo bipe byenu?
“Awa watemwa kukaya ukayanda; awa watemwa binyu ne manyi kechi ukanonka ne.”
“Ukongola wikala muzha ku yewa wamukongwesha.”
“Ñanyi mwi anweba uba inge ukeba kushimika kyamba ubula kukikala panshi ne kubala mali o akengijisha kuba’mba amone kana uji na avula a kwikipwishisha? Mambo inge wabula kuba kino, wakonsha kwalatu kitendekesho ne kukankalwa kwikipwisha, kabiji bantu bonse bamonako, bakonsha kumuseka, ne kwamba’mba: ‘Uno muntu watendekele kushimika, bino wakankalwa kupwisha.’”
“Byo bajiile ne kwikuta, waambijile baana banji ba bwanga amba: ‘Tolaulai bibese byashalapo pa kuba’mba pabule konaika nangwa kamo.’”
-
-
Bwipuzho 15: Mwakonsha kwikala byepi na lusekelo?Baibolo wa Binembelo bya Ntanda Ipya
-
-
BWIPUZHO 15
Mwakonsha kwikala byepi na lusekelo?
“Kyawama kuja bishu saka mwitemwa kukila kuja ñombe wanuna saka mwishikwa.”
“Amiwa yami Yehoba Lesa wenu, yenka wimufunjisha kuba’mba mumwenemo, yenka wimutangijila mu jishinda jo mwafwainwa kuyamo.”
“Bo ba lusekelo aba baji na muchima wa kukeba kuyuka Lesa, mambo Bufumu bwa mwiulu bo bwabo.”
“Wafwainwa kutemwa mukwenu byonka byo witemwa obe mwine.”
“Bintu byonse byo mukeba’mba bantu bemubile, ne anweba mwafwainwa kwibobila byonkabyo.”
“Batokwa ke boba bomvwa mambo a Lesa ne kwialama!”
“Muntu nangwatu ekale na bintu byavula, bintu byo aji nabyo kechi byo bimulengela kwikala na bumi ne.”
“Onkao mambo, byo tuji na kajo ne bivwalo, tusekela mu bino bintu.”
“Mu kupana mufuma lusekelo lukatampe kukila mu kutambula.”
-
-
Bwipuzho 16: Mwakonsha kuba byepi na bijikila?Baibolo wa Binembelo bya Ntanda Ipya
-
-
BWIPUZHO 16
Mwakonsha kuba byepi na bijikila?
“Twika Yehoba kisendwa kyobe, ne aye ukakukosesha. Kabiji kechi ukaleka muntu waoloka amba apone ne.”
“Bintu bifuukula muntu wingila na ngovu bikalumbuluka, pakuba bonse boba bintu na kanswatu bakayanda.”
“Kange uchine ne, mambo amiwa nji ne obewa. Kange wakamwe ne, mambo amiwa yami Lesa wobe. Amiwa nkakukosesha ne kukukwasha, kine, amiwa nkakukwata na kuboko kwami kwa kilujo kwa bololoke.”
“Ñanyi mwi anweba pa kubambisha muchima wakonsha kunungako kyubichi umo ku bumi bwanji?”
“Byonkabyo, kange mubambishenga michima na mambo a juba ja kesha ne, mambo juba ja kesha jikekala na bijikila byajo. Juba jonse jiji na makatazho ajo.”
“Muyuke bintu byanemesha.”
“Kange mubambishenga michima yenu na mambo a kintu nangwa kimo ne, bino mu bintu byonse mu lulombelo ne milombelo ya misashijilo pamo na kusanta, saka musolola kwi Lesa bintu byo mukeba; kabiji mutende wa Lesa wakila milanguluko ya bantu ukalama michima ne milanguluko yenu kupichila mwi Kilishitu Yesu.”
-
-
Bwipuzho 17: Baibolo wakonsha kukwasha byepi kisemi kyenu?Baibolo wa Binembelo bya Ntanda Ipya
-
-
BWIPUZHO 17
Baibolo wakonsha kukwasha byepi kisemi kyenu?
BANABALUME/BASHABO
“Ne banabalume nabo byo byo bafwainwa kutemwa bakazhi babo byonka byo batemwa mibiji yabo. Mwanamulume watemwa mukazhanji witemwa ne aye mwine, mambo kafwako muntu nangwa umo ushikwa mubiji wanji ne, bino umujiisha ne kumulama bulongo . . . Muntu yense wafwainwa kutemwa mukazhanji byonka byo etemwa aye mwine.”
“Anweba bashetu, kange muzhingijishenga baana benu ne, bino bakomeshainga mu kwibajimuna ne kwibafunjisha maana a Yehoba.”
BANABAKAZHI
“Mwanamukazhi naye wafwainwa kwikala na mushingi mukatampe ku mwatawanji.”
“Anweba banabakazhi, nekenenainga bamwatawenu, mambo kyo kyafwainwa mwi Nkambo.”
BAANA
“Anweba baana, kookelainga bansemi benu mwayila kyaswa muchima wa Nkambo, mambo kino kyo kyaoloka. ‘Nemeka bashobe ne bainobe,’ uno ye mukambizho mutanshi uji na mulaye wa kuba’mba: ‘Ukamwenemo bintu byawama ne kwikala myaka yavula pano pa ntanda.’”
“Anweba baana, saka mukookela bansemi benu mu bintu byonse, mambo kino kitokesha Nkambo ku muchima.”
-