Bakwashai “Kukoselamo mu Lwitabilo”

Kisangajika bingi kumona Yehoba byo abena kupesha mwingilo wa kukonkanya, mambo pa mwaka pa mwaka bantu pepi na milyonyi umo babena kubatizhiwa. (Mpitu. 28:2) Umvwe musapwishi wakwasha muntu ye afunjisha kubatizhiwa, bavula batemwa kuleka kumufunjisha ne kutendeka kufunjisha bakwabo. Muntu wafundanga Baibolo naye wakonsha kwikileka kufunda pa kuba’mba ekalenga na kimye kyabaya kya kwingila mu mwingilo. Pano bino, kyanema bingi muntu ye mubena kufunjisha Baibolo kwikala na kitendekesho kyakosa kya bukine. Bafwainwa “kutabilamo” mwi Kilishitu ne “kukoselamo mu lwitabilo.” (Kolo. 2:6, 7; 2 Timo. 3:12) Onkao mambo, panyuma ya kuba ubena kufunda Baibolo wabatizhiwa, wafwainwa kutwajijila na kufunda kufikatu ne kimye kya kupwisha buku wa Baibolo Ufunjisha ne “Butemwe bwa Lesa.”—Monai Mwingilo Wetu wa Bufumu wa April 2011, jipa 2.

Mutanchi wa Mulungu wa January 6

MULUNGU WA JANUARY 6, 2014

Lwimbo 132 ne Lulombelo

□ Lufunjisho lwa Baibolo lwa Kipwilo:

bt kita. 9 mafu. 8-18 (Mamini. 30)

□ Sukulu wa Mwingilo wa Lesa:

Kutanga Baibolo: Ntendekelo 1-5 (Mamini. 10)

Na. 1: Ntendekelo 4:1-16 (Mamini. 4 nangwa kubwela panshi)

Na. 2: Ki ka Kilengela Bantu baji mu Bupopweshi bwa Kine Kutemwa Yehoba?—lv ji. 5 mafu. 1-3 (Mamini. 5)

Na. 3: Alona—Mu Ñanyi Mashinda Alona mo Aikela wa Kumwenako Bena Kilishitu?—w10 5/15 jifu. 21 (Mamini. 5)

□ Kupwila kwa Mwingilo:

Lwimbo 125

Mamini. 10: Mashinda a Kushilamo Magazini mu January. Mwisambo. Mu miniti umo nangwa kubwela panshi, ambaipo bintu bimo byakonsha kufika bantu pa muchima mu nyaunda yenu. Apa bino mwingijishe mutwe wa pa nkupiko ya Kyamba kya Usopa, ne kwambila luonde kwambapo bwipuzho bwawama bo bakepuzhanga ne kutongolapo kinembelo kyo bakonsha kutanga. Ubai byonkabyo ne ku Labainga! kabiji umvwe kimye kokiji, ambai ne pa mitwe ikwabo iji mu Kyamba kya Usopa ne mu Labainga! Mweshai byo mwakonsha kusha Kyamba kya Usopa ne Labainga!.

Mamini. 10: Bibena kukebewa pa kipwilo.

Mamini. 10: Ñanyi Bintu byo Tufunjilako? Mwisambo. Tangai 1 Kolinda 9:19-23. Isambai pa bino byepelo byo byakonsha kwitukwasha mu mwingilo.

Lwimbo 7 ne Lulombelo

Bya Kubijika

◼ Mabuku akusha mu: December: Nanchi Baibolo Kine Ufunjisha’mba Ka? nangwa Nanchi Mukeba Kuyuka Bukine Nyi? January ne February: Mambo Awama Afuma kwi Lesa! nangwa mabuloshuwa a mapa 32 aji panshi: Mwakonsha Kwikala Balunda na Lesa, Umvwainga Byamba Lesa ne Umvwainga Byamba Lesa Mukekale Myaka. March: Magazini a Kyamba kya Usopa ne Labainga!

◼ Kivuluko kya mu 2015 kikekalako pa Kitanu pa 3 April, 2015.

◼ Mabuku Akatataka Ajipo: Umvwainga Byamba Lesa Mukekale Myaka—pa DVD ne Talakiti wa Kuyuka Bukine—pa DVD mu mulaka wa kwamba na maboko wa kina Zambia. Mwakonsha kunembesha inge mukeba

Mashinda a Kwisambilamo

Kutatula Mafunjisho a Baibolo pa Kibelushi Kitanshi mu January

“Bantu bavula balanguluka byapusana pusana pe Lesa. Bamo balanguluka amba Lesa ke bulume bwabula kuyukanyikwa. Bakwabo nabo bamba amba Shabo wa mwiulu wa butemwe. Anweba mulanguluka amba Lesa uji byepi?” Lekai akumbule. Mumweshai Kyamba kya Usopa kya January 1, ne kuya pa jipa japelako. Isambai nanji pa kamutwe katanshi ne kutangapo kinembelo kimo pa byo bamwesha. Mupai magazini ne kumulaya kimye kyo mukabwelako na kwisamba bwipuzho bwalondelapo.

Kyamba kya Usopa January 1

“Tubena kufwakesha bantu na kwisambako nabo pa kintu kitukatazha bonse ko kuba’mba kufwisha mulunda netu. Nanchi mwakonsha kuswa kuba’mba kufwisha mulunda nangwa wakilongo ke kintu kyatama bingi nyi? [Lekai akumbule.] Kino kinembelo kitekenesha bantu bavula bingi. [Tangai Isaya 25:8.] Uno magazini waamba pa mulaye wa mu Baibolo utundaika wa kuba’mba lufu lukapwa ne kusangula batemwe betu.”

Labainga! November–December

“Nsakutemwa kumvwa byo mulangulukapo pa buno bwipuzho: Nanchi twakonsha kwikala na lusekelo umvwe kya kuba’mba kechi twibanonshi nenyi? [Lekai akumbule.] Monai byaambapo Baibolo. [Tangai 1 Timoti 6:8.] Uno magazini waamba pa byo twakonsha kumonanga bunonshi kabiji waamba ne pa bintu bisatu byanema bibula kupotwa na mali.”