BYAFWAINWA KWIKALA BENA KILISHITU

Ntanda “Yaasamine ne Kumina Mukola”

Kufumatu ne kala, makafulumende amo akwasha bantu ba Yehoba. (Eze 6:1-12; Esh 8:10-13) Nangwatu mu ano moba, tubena kwimwena “ntanda,” ko kuba’mba makafulumende amo, byo amina “mukola,” nangwa’mba byo etukwasha inge babena kwitumanyika. Uno “mukola” wimenako lumanamo luleta “nsuñunyi” aye Satana Diabola. (Lum 12:16) Yehoba ye “Lesa witupulusha,” kabiji bimye bimo wingijisha bamfumu ne bandamabyalo pa kukwasha bantu banji.—Sl 68:20; Man 21:1.

Pano mwafwainwa kuba byepi inge bemukasa na mambo a lwitabilo lwenu? Vulukainga kuba’mba Yehoba kechi wimulubako ne. (Nt 39:21-23; Sl 105:17-20) Yehoba ukemufweta pa lwitabilo lwenu kabiji bukishinka bwenu bubena kutundaika bingi balongo ne banyenga mwaya ntanda.—Fp 1:12-14; Lum 2:10.

TAMBAI VIDYO WA KUBA’MBA BALONGO BENA KOREA BEBAFUMYA MU KALEYA, APA BINO MUKUMBULE ANO MEPUZHO:

Mambo ka balongo ne banyenga bavula mu South Korea o bebakashilanga mu kaleya?
Kochi wachibile byepi mambo pa kuba’mba balongo ne banyenga bebafumye mu kaleya?
Twakonsha kukwasha byepi balongo ne banyenga bo bakasa na mambo a lwitabilo lwabo?
Twafwainwa kubanga byepi mu kimye kyo tuji na mutende?
Ñanyi mwine ulengela’mba tubingenga na mambo mu makochi?

Kaleya ka mu Korea mo bakashijile Bakamonyi ba kwa Yehoba bavula; makalata anembele Bakamonyi ba kwa Yehoba mwaya ntanda o batumine ku ofweshi wa musampi wa mu Korea, kabiji ofweshi wa musampi wapele ano makalata ku balongo bajinga mu kaleya; nsemi wa mulume wakumbachilamo mwananji wa mulume byo bamukasulwile mu kaleya — Mbena kwingijisha byepi kimye kyami mu kimye kyo kuji mutende?