Ezikyo Ne Byamwekele Kimye Kyo Ajingako

Jizhina ja kwa Ezikyo jilumbulula’mba, “Lesa Ukosesha.” Nangwa kya kuba bungauzhi bo aawilenga mwajinga lujimuno lwavula bingi, bino byambo biji mu uno buku byakwatankana na bilumbulula jizhina janji, kabiji bikosesha lwitabilo lwa bonse bakeba kwingijila Lesa na muchima yense.

BANGAUZHI BAKWABO BAJINGAKO PA KYOKYA KIMYE

• 

  YELEMIYA

  wajinga wa mu kisemi kya bañanga, kabiji wajinga ngauzhi mu Yelusalema (nobe mu 647 kufika mu 580)

• 

  HULADA

  wajinga ngauzhi kimye kyo bataaine buku wa Mizhilo mu nzubo ya Lesa nobe mu 642 B.C.E.

• 

  DANYELA

  wa mu kisemi kya ku bufumu bwa mukoka wa bena Yuda, ye batwajile mu buzha ku Babilona mu 617 B.C.E.

• 

  HABAKUKA

  wajinga ngauzhi mu Yuda kyamweka mu bukalama bwa kwa Yehoyakima

• 

  OBADIYA

  waawile bungauzhi ku bena Edomu, kampe kimye kyo baonawine muzhi wa Yelusalema

ÑANYI KIMYE KYO BAAWILE? (MYAKA YONSE YA KALA YESU SAKA AKYANGYE KUSEMWA)

BINTU BIKATAMPE BYAMWEKELE MU BWIKALO BWA KWA EZIKYO (MYAKA YONSE YA KALA YESU SAKA AKYANGYE KUSEMWA)

1. nobe mu 643: Wasemwa

2. 617: Bamutwala mu buzha ku Babilona

3. 613: Watendeka mwingilo wa bungauzhi, ne kumona kimwesho kya Yehoba

4. 612: Wamona kimwesho kya bantu babena kusatuka mu nzubo ya Lesa

5. 611: Watendeka kwamba byambo bya lukabisho ku bena Yelusalema

6. 609: Balukuka muzhi wa Yelusalema japeleleko

7. 607: Bamubuula’mba Yelusalema bamonauna

8. 593: Wamona kimwesho kya nzubo ya Lesa

9. 591: Wapwisha kunemba bungauzhi bwaambile’mba Nebukaneza ukalukuka Ijipita

BAMFUMU BA BENA YUDA NE BA BENA BABILONA

1. 659-629: Yosiya watundaikile bupopweshi bwa kine kabiji bamwipayile ku nkondo ko alwilenga ne Felo Neko

2. 628: Bukalama bwa kwa Yehoahaza bwa pa bañondo basatu bwatamine bingi, kabiji bamufumishepo kwi Felo Neko

3. 628-618: Bukalama bwa Mfumu Yehoyakimu wakanamine bingi ye babikile pa bufumu kwi Felo Neko

4. 625: Nebukaneza washinda nzhita ya bena Ijipita

5. 620: Nebukaneza walukuka bena Yuda kimye kitanshi ne kubika Yehoyakimu pa bufumu mu Yelusalema

6. 618: Yehoyakimu wasatukijile Nebukaneza, bino kyamweka wafwile kimye kibalukukile bena Babilona ja bubiji mu Ntanda ya Mulaye.

7. 617: Yehoyakina ye batelanga’mba Yekoniya wajinga mfumu watamine bingi muchima walaminetu pa bañondo basatu kabiji bamufumishepo pa bufumu kwi Nebukaneza

8. 617-607: Zedekiya, mfumu watama, watendeka kukookela Nebukaneza

9. 609: Zedekiya wasatukila Nebukaneza, yenka waishile kulukuka Yelusalema ja busatu

10. 607: Nebukaneza waonauna Yelusalema, wakwata Zedekiya, wamusabaula meso ne kumutwala ku Babilona.