KAKITENGULUZHA MWALUMBULULWA BISHINKA 19B
Kakola Kaikele Ke Mukola Mukatampe!
Ezikyo wamwene kakola kakonkolokelenga mema kufuma mu nzubo ya Yehoba. Byo aendelekotu pacheche, uno mukola wazhikile ne kubaya. Ku bitulu bya uno mukola konse kubiji kwajinga bichi byapangilenga bipangwa bya kuja kabiji mabuula abyo ajinga muchi. Nanchi bino bintu byonse bilumbulula ka?
Mukola Uleta Mapesho
MU MOBA A KALA: Bayudea bajinga mu buzha byo babwelele kwabo, Lesa wibapesheshe bingi byo bashimukulwilenga nzubo ya Lesa ne kubwezha bupopweshi bwa kine
MU ANO MOBA: Yehoba wabwezhezhe bupopweshi bwa kine mu 1919, kabiji Yehoba wapesheshe bantu banji bakishinka ku mupashi na bintu bibakwasha kwikala na bulunda bwawama ne aye
KULUTWE: Panyuma ya Amagedonyi, Yehoba ukapesha bantu banji ne kwibakwasha kwikala balumbuluka, kabiji ukebakwasha kumvwisha bukine bwa katataka
Mema a Bumi
MU MOBA A KALA: Yehoba wapesheshe bingi bantu banji bamukookelanga, bavujijileko kabiji bamupopwelanga bulongo pa nzubo ya Lesa kwa kubula kya kwibakatazha
MU ANO MOBA: Mu Paladisa wetu wa ku mupashi bantu babena kuvujilakotu kabiji babena kumwenamo byawama mu bukine bubena kufuma kwi Yehoba nobe mukola. Buno bukine bwibalengela kupopwela Lesa byonka byo akeba
KULUTWE: Yehoba ukapesha bingi bakapuluka pa Amagedonyi ne biumbi ne biumbi bya bantu bakasangulwa
Bichi bya Bipangwa bya Kuja ne Mabuula a Muchi
MU MOBA A KALA: Yehoba wafunjishanga bantu bakishinka bafumine mu buzha, kwibakwasha kumupopwela monka mo akebela. Kabiji wibakwashishe kuleka kupopwela bankishi ne byonse byakunza ku bupopweshi bwa bubela
MU ANO MOBA: Bukine bwavula bwa mu Baibolo bwalumbululwa bwakwasha bantu ba Lesa kwikala bakishinka, kwibalengela kuchinuzhuka kulenga mambo akatampe ne kwikala na byubilo bya bantu ba mu ino ntanda
KULUTWE: Kilishitu ne ba 144, 000 bo akalamanga nabo mu bufumu bakakwasha bantu kwikala balumbuluka na butuntulu bwa mubiji bwawama!