Mingilo
Mingilo ne lusekelo byakwatankana byepi?
Mambo ka o kyanemena kufunda mingilo ne bya kwiingila bulongo?
Mashimikila a mu Baibolo:
1Sa 16:16-23—Davida saka akiji mwanyike wayukanyikilwe’mba wajizhanga bulongo kyansa, nyimbo yo aimbanga yaletelanga mfumu wa bena Isalela mutende kabiji mfumu wamunemekele bingi
2Mo 2:13, 14—Na mambo a kuba’mba Hulamabi wajinga sendwe, Mfumu Solomone wamwingijishe mu bya kushimika byavula
Mambo ka bakalume ba Yehoba o bafwainwa kuyukanyikilwa’mba bamingilo bawama nangwa’mba bantu bengila na ngovu?
Mashimikila a mu Baibolo:
Nt 24:10-21—Libeka waingijile na ngovu kukwasha kalume wa kwa Abalahama kununga pa byo bamwambijile kuba
Fp 2:19-23 —Nsongwalume Timoti bamupeele mwingilo wanema bingi kwi mutumwa Paulo mambo waingilanga na ngovu kukwasha bakwabo saka epelula
Mambo ka bakalume ba Lesa o bafwainwa kubujila kwikala ba nkope?
Man 13:4; 18:9; 21:25, 26; Mus 10:18
Mashimikila a mu Baibolo:
Man 6:6-11—Mfumu Solomone waingijishe tuzhengekene kufunjisha pa buneme bwa kwingila na ngovu ne kuchinuzhuka bukope
Mambo ka o twafwainwa kwingijila na ngovu pa kuba’mba twikale na bintu byo tukeba mu bwikalo bwetu?
Mambo ka o twafwainwa kwingijila na ngovu pa kuba’mba tukebele ba mu kisemi kyetu bintu bikebewa?
Mashimikila a mu Baibolo:
Lut 1:16, 17; 2:2, 3, 6, 7, 17, 18—Nsongwakazhi wafwilwa aye Luta waingilanga na ngovu kukwasha Naomi muko wanji wamukazhi
Mat 15:4-9—Yesu walengulwile bantu baambanga’mba baingijilanga Lesa bino saka bakaana kukwasha bansemi babo
Mambo ka o twafwainwa kupelangapo bakwetu bintu bifuma mu mingilo yo twingila na ngovu?
Twafwainwa kwingijishanga byepi mali o tufola ku nkito?
Twayuka byepi amba Yehoba ukeba’mba twingilenga nkito yetu bulongo ne kwikala na bintu byo tukeba mu bwikalo bwetu?
Mat 6:25, 30-32; Luk 11:2, 3; 2Ko 9:10
Mashimikila a mu Baibolo:
Nt 31:3-13—Labanyi wamanyikilenga wamwingilo wanji kabiji muko wanji aye Yakoba, bino Yehoba wapesheshe Yakoba mambo waingijilenga na ngovu
Nt 39:1-6, 20-23—Yehoba wapesheshe mingilo ya kwa Yosefwa kimye kyo ajinga muzha mu nzubo ya kwa Potifwalo ne byo ajinga kaili
Mambo ka nkito yetu ya ku mubiji o yafwainwa kubujila kunema kukila kwingijila Lesa?
Mashimikila a mu Baibolo:
Luk 12:15-21—Yesu waingijishe kishimpi kufunjisha’mba bo bumbulwa maana inge ketulanguluke’mba kwikala na mali avula kwanema kukila kwikala na bulunda kwakosa ne Lesa
1Ti 6:17-19—Mutumwa Paulo wajimwineko bena Kilishitu bajinga banonshi kubula kwilundumika, pakuba wibatundaikile kwikala “banonshi ba mingilo yawama”
Ñanyi mafunde afwainwa kwitukwasha kusala bulongo nkito yo twafwainwa kutwela?
Lup 20:4; By 15:29; Ef 4:28; Lum 21:8—Nanchi ino nkito ikandengelanga kuba bintu byakanya Lesa nyi?
Lup 21:22-24; Is 2:4; 1Ko 6:9, 10; 2Ko 7:1—Nanchi ino mingilo itundaika bantu kuba bintu byakanya Lesa kabiji ikandengelanga kulenga mambo nyi?
Lo 13:1-7; Tit 3:1, 2—Nanchi ino nkito ikakebanga’mba mbulenga kulondela mizhilo ya kyalo nyi?
2Ko 6:14-16; Lum 18:2, 4—Nanchi ino nkito ikandengelanga kutundaika nangwa kwivwanga mu bupopweshi bwa bubela nyi?
Kwingijila Yehoba
Ñanyi mwingilo wanemesha wafwainwa kwingila bena Kilishitu?
Mambo ka o twingijila papelela bulume bwetu mu mwingilo wa Yehoba?
Luk 13:24; Lo 12:11; 1Ko 15:58; Heb 6:10-12
Kabiji monai 1Ti 3:1
Mambo ka o twafwainwa kubujila kwesakanya bingila bakalume bamo ba Yehoba ku bingila bakwabo?
Mashimikila a mu Baibolo:
Mat 25:14, 15—Kishimpi kyaambile Yesu kimwesha’mba kechi uketekela baana banji ba bwanga kwesakana mu ñingijilo ne
Luk 21:2-4—Yesu wanemekele bingi bupe bucheche bwapaine mwanamukazhi wafwilwa
Kwepi ko tufumya bulume bwitulengela kwingila mingilo yo betupa mu jibumba ja Yehoba?
Mashimikila a mu Baibolo:
2Ti 4:17—Mutumwa Paulo waambile’mba bamupeele bulume pa kimye kyo ebukebelenga
Mambo ka kwingila na mukoyo mu mwingilo wa Yehoba o kuletela lusekelo?
Kabiji monai Mat 25:23