Masongola

Mashimikila a mu Baibolo:

• Nt 24:1-4, 7—Abalahama wakebejile mwananji aye Izaka mwanamukazhi wa kusongola waingijilanga Yehoba. Kechi wamukebejile mwanamukazhi mu bena Kenana bapopwelanga balesa ba bubela ne

• Nt 28:1-4—Izaka wabuujile mwananji Yakoba kusongola mwanamukazhi wingijila Yehoba kechi mwina Kenana ne

Mashimikila a mu Baibolo:

• 1Mf 11:1-6, 9-11—Yehoba wazhingijile bingi mfumu Solomone byo alengulwile mizhilo yanji ne kusongola banabakazhi bangi baongwele muchima wanji

• Neh 13:23-27—Byonkatu byaubile Yehoba, Nehemiya naye wazhingijile bingi banabalume bena Isalela basongwele banabakazhi bangi babulanga kupopwela Yehoba kabiji wibakajipijile ne kwibakambula

Mashimikila a mu Baibolo:

• 1Sa 25:2, 3, 14-17—Nabala wanonkele bingi, bino wakanamine kabiji wajinga na ñambilo yatama. Akino kyamulengejile kwikala mutwe wa kisemi watama kwi Abigaila

• Man 21:9—Inge twafuukulapo kusongola nangwa kusongolwa ku muntu watama kechi tukekalapo mu mutende nangwa kwikala na lusekelo ne

• Lo 7:2—Mutumwa Paulo walumbulwile’mba inge mwanamukazhi wasongolwa, ukalondelanga mwatawanji wabula koloka. Onkao mambo, mwanamukazhi uji na maana kechi wafwainwa kuswatu mwanamulume uji yense waiya kwi aye ne

Mashimikila mu Baibolo:

• Man 24:27—Mwanamulume saka akyangye kusongola ne kusema baana, wafwainwa kwinengezha pa kuba’mba akalamenga bulongo kisemi kyanji

Mashimikila a mu Baibolo:

• Lut 2:4-7, 10-12—Boaza wayukile byajinga Luta kupichila mu kumona byo aingilanga na ngovu ne byo aikalanga ne Naomi. Kabiji watelekelenga ne masawakya o bamubuulanga ku bantu ba kishinka ne byo atemenwe Yehoba

• Lut 2:8, 9, 20—Luta wamwene’mba Boaza wajinga bingi na lusa, mpanyi kabiji watemenwe bingi Yehoba

Mashimikila a mu Baibolo:

• Man 5:18, 19—Mashinda amo a kwimwesheshamo butemwe afwainwatu ku besongola kwapwa

• Lwi 1:2; 2:6—Nsongwalume kafunga ne kamwale mwina Shulema bemwesheshenga byo betemwa mu jishinda jawama, kechi bemwesheshenga byubilo bya kukeba kwilaala ne

• Lwi 4:12; 8:8-10—Nsongwakazhi mwina Shulema wikanyanga bingi. Wajinga nobe luvimba ye babika ku mashamba

Mashimikila a mu Baibolo:

• Nt 21:8-12—Yehoba wabuujile Abalahama kumvwina mukazhanji aye Sala nangwa kya kuba kechi watemenwe byaambile mukazhanji ne

• Man 31:10, 11, 16, 28—Mwanamulume wa maana uji na mwanamukazhi wawama kechi umolola mu byonsetu nangwa kukeba byatama mwi aye ne. Pakuba umuketekela ne kumusanchila

• Ef 5:33—Mutumwa Paulo waambile’mba mwanamukazhi wafwainwa kuyuka’mba mwatawanji wamutemwa

Mashimikila a mu Baibolo:

• Man 1:8; 1Ko 7:4—Lesa wapa banabakazhi basongolwa ne bainetu luusa mu kisemi

• 1Ko 11:3—Mutumwa Paulo walumbulula’mba mwayila lunengezho lwa Yehoba, atweba bonse tuji na witutangijila. Pakuba Lesa wa bulume bonse kafwako umutangijila ne

• Heb 13:7, 17—Mu kipwilo, banabalume ne banabakazhi bonse bafwainwa kunekenena ne kukookela babena kwibatangijila

Mashimikila a mu Baibolo:

• Nt 18:12; 1Pe 3:5, 6—Sala wapanga bingi mushingi mwatawanji nangwatu mu muchima ne kumwita’mba “nkambo” nangwa’mba mutwe wa kumukwasha kutemwa Yehoba

Mashimikila a mu Baibolo:

• Nt 24:62-67—Libeka wakwashishe bingi mwatawanji aye Izaka ne kumutekenesha byo afwishishe bainanji

• 1Sa 25:14-24, 32-38—Abigaila wapokolweleko mwatawanji wabula maana ne kupulusha ba mu kisemi kyanji byo asashijile Davida kumubila lusa

• Esh 4:6-17; 5:1-8; 7:1-6; 8:3-6—Muka Mfumu aye Eshita wabikile bumi bwanji mu kizumba bimye bibiji byo ayile na kumona mwatawanji nangwa kechi wamwichile ne. Wayile nakubuula mfumu kuba’mba azhikijile bantu ba Lesa