Twalengelwe Byepi?

Buku mutanshi wa mu Baibolo wa Ntendekelo waamba pa byalengelwe bya mwiulu, amba: “Mu ntendekelo Lesa walengele bya mwiulu ne ntanda.” (Ntendekelo 1:1) Panyuma ya bino, Lesa walengele bijimwa ne banyama, bino walenga ne bantu batanshi ba Adama ne Evwa. Bano bantu bapuseneko na banyama mambo bajinga na byubilo bipashako ne Lesa ko kuba’mba bulume bwa kwifukwila bintu. Na mambo abino, kafwako ye bafwainwe kupamo mambo pa bintu byo bafukwilengapo kuba ne. Umvwe kya kuba’mba bakookejile mikambizho ya Lesa, inge bafikizhe bya kebelenga Lesa kuba’mba bakekale ke bansemi ba bantu bonse ne kwikala mu mutende pano pa ntanda myaka ne myaka.

Nangwa byonkabyo, malaika umo nangwa amba kilengwa kya mupashi wamwenepo jishinda jimo ja kongwelamo bantu kuba’mba bakobenga byoakeba. Waikajile Satana kilumbulula’mba wa “Milengulwila.” Waambile kwi Evwa kwingijisha mulolo kumujimbaika kuba’mba ukekala bulongo umvwe Lesa waleka kwibatangijila. Adama ne Evwa balondejile Satana ne konauna bulunda bwabo na Mulenga. Na mambo a kubula kufuukulapo bulongo, bansemi betu baelele jishuko ja kwikala myaka ne myaka ne kwitulengela kwikala bandengamambo ne kwituletela lufu.

Panyumatu ya kusatuka, Lesa wamwenepo jishinda ja kubwezhezhamo bumi bwa myaka ku baana ba kwa Adama. Lesa waambijile jimo kuba’mba “lukunwa” ko kuba’mba muntu wanema ukonauna Satana ne kufumyapo buyanji bwaleta Satana, Adama ne Evwa. (Ntendekelo 3:15) Nanchi uno “lukunwa” wajinga ñanyi? Papichile kimye pakuba’mba bamuyuke.

Kufumatu kyokya kimye, Satana Watwajijila konauna nkebelo ya Lesa. Bubi bwavujile bingi mu ntanda. Lesa wafuukwilepo konauna bantu batama kupichila mu muyulo. Wakambizhe Nowa wajinga waoloka kushimika bwato bukatampe pakuba’mba aye mwine ne banyama bakapulukilemo.

Byopapichile mwaka umo panyuma ya Muyulo, Nowa ne kisemi kyanji balupukile mu bwato ne kwikala pa ntanda pabula bubi. Pano bino “lukunwa” wajinga ukyangye kumweka.

—Byafuma mu Ntendekelo, bitango 1-11; Yuda 6, 14, 15; Lumwekesho 12:9.