Kupitulukamo mu Sukulu wa Mwingilo wa Lesa

Tumona byepi mukambizho wanembwa mu Mpitulukilo ya mu mizhilo 14:1 wakanya kwichibaula kimye kya kujila muntu wafwa? [Nov. 3, w04 10/1 jipa 11 jifu. 3]

Mambo ka bamfumu ba bena Isalela o bebakambizhizhe kukopolola Mizhilo ya Lesa mu buku ne ‘kutangamo moba onse a bumi bwabo’? (Mpitu. 17:18-20) [Nov. 3, w02 7/1 jipa 12 jifu. 4]

Mambo ka o bambila kuba’mba “kechi ukakase ñombe ne mbongolo pamo ne,” kabiji mukambizho wa kubula kwikasa kikonkoji kimo wingila byepi ku bena Kilishitu? (Mpi 22:10) [Nov. 10, w12 5/15 jipa 4 jifu. 7]

Mambo ka o bakanyishe kwangata “mpelo nangwa jibwe jo bapelelapo kwikala kintu kya kukwachilamo na mambo a nkongole”? (Mpitu. 24:6) [Nov. 17, w04 10/1 jipa 10 jifu. 3]

Bena Isalela bafwainwe kwikala na ñanyi byubilo pa kuba amba bekale na lukokelo, kabiji ñanyi kintu kyafwainwa kwitulengelanga kwingijila Yehoba? (Mpitu. 28:47) [Nov. 24, w10 9/15 jipa 8 jifu. 4]

Ñanyi bintu bisatu bikebewa mu bwikalo biji mu Mpitulukilo ya mu mizhilo 30:19, 20? [Nov. 24, w10 2/15 jipa 28 jifu. 17]

Nanchi twafwainwa kutanganga na jiwi ja kunongota byambo byonse kufuma ku buku wa Ntendekelo kufika ne ku Lumwekesho nyi? Lumbululai. (Yosh. 1:8) [Dec. 8, w13 4/15 jipa 7 jifu. 4]

Ñanyi “mukulumpe wa nzhita ya Yehoba” watongolwa pa kinembelo kya Yoshua 5:14, 15, kabiji kino kinembelo kyakonsha kwitutundaika byepi? [Dec. 8, w05 4/1 jipa 30 jifu 1]

Ñanyi kintu kyalengejile Akana kwiba, kabiji twakonsha kufunjilako ka ku byatama byamumwekejile? (Yosh. 7:20, 21) [Dec. 15, w10 4/15 jipa 20 mafu. 2, ne 5]

Byaubile Kaleba byakonsha kwitutundaika byepi lelo jino? (Yosh. 14:10-13) [Dec. 29, w05 4/1 jipa 32 jifu. 3]